മോസ്കോ: ലോകകപ്പ് ഫുട്ബോളിൽ ജപ്പാന് ജയം. ഗ്രൂപ്പ് എച്ചിലെ മത്സരത്തിൽ കൊളംബിയയെ ഒന്നിനെതിരെ രണ്ട് ഗോളിനാണ് ജപ്പാൻ കീഴടക്കിയത്. ഷിൻജി കഗാവ,യുയ ഒസാക്ക എന്നിവരാണ് ജപ്പാനായി ഗോൾ നേടിയത്.
യുവാൻ ക്വിന്റെറ കൊളംബിയയ്ക്കായി ഗോൾ മടക്കി.
കാർലോസ് സാഞ്ചസിന് ചുവപ്പ് കാർഡ് കിട്ടിയതിനാൽ പത്ത് പേരുമായാണ് കൊളംബിയ മത്സരം പൂർത്തിയാക്കിയത്. ജയത്തോടെ ഒരു ലാറ്റിൻ അമേരിക്കൻ ടീമിനെ പരാജയപ്പെടുത്തുന്ന ആദ്യ ഏഷ്യൻ ടീമായി ജപ്പാൻ മാറി.