Sports

പെരേരയുടേയും മലിംഗയുടേയും ഭാര്യമാര്‍ ഫെയ്‌സ്ബുക്കില്‍ കോര്‍ത്തു: പെണ്‍പോരില്‍ കുരുങ്ങി ശ്രീലങ്കന്‍ ക്രിക്കറ്റ് ടീം

കൊളംബോ: പെണ്‍പോരില്‍ കുരുങ്ങി ശ്രീലങ്കന്‍ ക്രിക്കറ്റ് ടീം. ടീമംഗങ്ങളായ ലസിത് മലിംഗയുടേയും തിസാര പെരേരയുടെയും ഭാര്യമാര്‍ ഫെയ്‌സ്ബുക്കില്‍ കൊമ്പുകോര്‍ത്തതാണ് ടീമിന് തലവേദനയായിരിക്കുന്നത്. പ്രശ്‌നത്തില്‍ ഇടപെടണമെന്ന് പെരേര ശ്രീലങ്കന്‍ ക്രിക്കറ്റ് ബോര്‍ഡിനെ സമീപിച്ചു.

ശ്രീലങ്കന്‍ ടീമംഗങ്ങളായ ലസിത് മലിംഗയും മുന്‍ ക്യാപ്റ്റനായ തിസാര പെരേരയും തമ്മിലുളള ഈഗോ പ്രശ്‌നം ഭാര്യമാര്‍ ഏറ്റെടുത്തതാണ് പ്രശ്‌നങ്ങള്‍ക്ക് തുടക്കമിട്ടത്.

ടീമില്‍ സ്ഥാനം നിലനിറുത്താന്‍ ലങ്കന്‍ ടീമിലെ ഒരംഗം ശ്രീലങ്കന്‍ കായിക മന്ത്രിയുമായി കൂടിക്കാഴ്ച നടത്തിയെന്ന് മലിംഗയുടെ ഭാര്യ ടാനിയയാണ് ആദ്യം ഫെയ്‌സ് ബുക്കില്‍ പോസ്റ്റ് ഇട്ടത്. പോസ്റ്റില്‍ പേരോ മറ്റ് പരാമര്‍ശങ്ങളോ ഇല്ലെങ്കിലും അതിനൊപ്പം ഒരു പാണ്ടയുടെ ചിത്രം കൂടി ടാനിയ പോസ്റ്റ് ചെയ്തിരുന്നു. ഇതോടെ പോസ്റ്റ് പെരേരയെ ഉദ്ദേശിച്ചാണെന്ന് സംസാരം ആരംഭിച്ചു. ഓസ്‌ട്രേലിയയില്‍ പെരേര അറിയപ്പെടുന്നത് പാണ്ടയെന്ന പേരിലാണ്.

വൈകാതെ ടാനിയയുടെ പോസ്റ്റിന് മറുപടിയുമായി പെരേരയുടെ ഭാര്യ ഷെരാമിയും രംഗത്തെത്തി. സിംഹത്തിന്റെ വസ്ത്രമണിഞ്ഞെന്നു കരുതി ചെന്നായ സിംഹമാകില്ലെന്നായിരുന്നു ഷെരാമി പോസ്റ്റ് ചെയ്തത്.

കാര്യങ്ങള്‍ കൈപ്പിടിയിലൊതുങ്ങില്ലെന്നു കണ്ട പെരേര ശ്രീലങ്കന്‍ ക്രിക്കറ്റ് ബോര്‍ഡിന് പരാതി നല്‍കുകയായിരുന്നു.

389 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close