Sports

ഇന്ത്യയുടെ ‘ബോൾട്ട്’ ഇളക്കി കിവീസ്; 212 പന്തുകൾ ബാക്കിനിൽക്കേ 8 വിക്കറ്റ് ജയം

ഹാമിൽട്ടൻ: ന്യൂസിലൻഡിനെതിരായ നാലാം ഏകദിനത്തിൽ ഇന്ത്യക്ക് ദയനീയ തോൽവി. 212 പന്തുകൾ ബാക്കി നിൽക്കേ 8 വിക്കറ്റിനാണ് കിവീസിന്റെ ജയം. ടോസ് നഷ്ടമായി ബാറ്റിംഗിന് ഇറങ്ങിയ ഇന്ത്യയ്ക്ക് 30.5 ഓവറിൽ 92 റൺസെടുക്കുന്നതിനിടയിൽ എല്ലാവരും കൂടാരം കയറി. 20 റൺസ് വഴങ്ങി 5 വിക്കറ്റെടുത്ത ട്രെന്റ് ബോൾട്ടാണ് ഇന്ത്യൻ ബാറ്റിംഗ് നിരയുടെ നട്ടെല്ലൊടിച്ചത്.

ഇന്ത്യൻ നിരയിൽ നാല് താരങ്ങൾക്ക് മാത്രമാണ് രണ്ടക്കം കടക്കാനായത്. 18 റൺസെടുത്ത യുസ് വേന്ദ്ര ചാഹലാണ് ഇന്ത്യയുടെ ടോപ് സ്കോറർ. ശിഖർ ധവാൻ, ഹർദ്ദിക് പാണ്ഡ്യ, കുൽദീപ് യാദവ് എന്നിവരാണ് ചാഹലിനെ കൂടാതെ രണ്ടക്കം കടന്ന ഇന്ത്യക്കാർ.

മറുപടി ബാറ്റിംഗിനിറങ്ങിയ കിവീസ് 14.4 ഓവറിൽ രണ്ട് വിക്കറ്റ് നഷ്ടത്തിൽ വിജയലക്ഷ്യം മറികടന്നു. 14 റൺസെടുത്ത ഗുപ്റ്റിലിനെയും 11 റൺസെടുത്ത വില്യംസണെയും ഭുവനേശ്വർ കുമാറാണ് പുറത്താക്കിയത്.

ഇന്ത്യക്കെതിരെ ഇത്രയധികം പന്തുകൾ ബാക്കി നിൽക്കേ ഒരു ടീം വിജയം നേടുന്നത് ഇതാദ്യമായാണ്.

 

410 Shares

Please scroll down for comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close