പൂനെ: മഹാരാഷ്ട്രയിലെ മുംബൈ, പൂനെ നഗരങ്ങളെ തമ്മില് ബന്ധിപ്പിച്ച് സര്വീസ് നടത്തുന്ന ഡെക്കാന് ക്യൂന് എക്സ്പ്രസിന് 90 വയസ്. 1930 ജൂണ് 1 നാണ് ആദ്യമായി ഡെക്കാന് ക്യൂന് സര്വീസ് ആരംഭിക്കുന്നത്. ഇന്ത്യയില് ദീര്ഘദൂര സര്വീസ് നടത്തുന്ന ആദ്യ ഇലക്ട്രിക് ട്രെയിനും ഡെക്കാന് ക്യൂന് തന്നെയാണ്. രാജ്യത്തെ പ്രഥമ സൂപ്പര്ഫാസ്റ്റ് ട്രെയിന് എന്ന വിശേഷണത്തിന് അര്ഹയും ഡെക്കാന് റാണിയാണ്.
യാത്രികരുടെ പ്രിയപ്പെട്ട ട്രെയിനായ ഡെക്കാന് ക്യൂന് രാവിലെ പൂനെയില് നിന്നും മുംബൈയ്ക്കും വൈകിട്ട് തിരിച്ചും ദിവസേന സര്വീസ് നടത്തുന്നു. ഏഴ് കോച്ചുകളുമായി സര്വീസ് ആരംഭിച്ച ഡെക്കാന് എക്സ്പ്രസിന് നിലവില് 17 കോച്ചുകള് ഉണ്ട്.
90 വയസിന്റെ തലയെടുപ്പുമായി എത്തുന്ന ഡെക്കാന് എക്സ്പ്രസില് വെള്ള, നീല, ചുവപ്പ് നിറങ്ങളില് ബാന്ഡുകളും ഉണ്ട്. 4 എസി ചെയര് കാര്, 1 ബഫറ്റ് കാര്, 10 സെക്കന്ഡ് ക്ലാസ് ചെയര്കാര്, 2 സെക്കന്ഡ് ക്ലാസ് കം ബ്രേക്ക് വാന് എന്നിവ ഉള്പ്പെടുന്ന 17 കോച്ചുകളാണ് ട്രെയിനില് ഉള്ളത്.
രാജ്യത്ത് ആദ്യമായി പാന്ട്രി കാര് തുടങ്ങിയതും സ്പെഷ്യല് ലേഡീസ് കംപാര്ട്ട്മെന്റിന് തുടക്കം കുറിച്ചതും ഡെക്കാന് എക്സ്പ്രസിലാണ്.
