Tech

11 വർഷം ആയുസ്; 16 മില്യൺ കളറുകൾ; ഒട്ടേറെ പുതുമകളുമായി എംഐ സ്മാർട്ട് ബൾബ് ഇന്ത്യയിലെത്തി

ഒട്ടേറെ പുതുമകളും അതിലേറെ ഫീച്ചറുകളുമായി എംഐയുടെ സ്മാർട്ട് ബൾബ് ഇന്ത്യൻ വിപണിയിലെത്തി. ക്രൗഡ്​ഫണ്ടിംഗിന്റെ ഭാഗമായി പുറത്തിറക്കിയ സ്മാര്‍ട് ബള്‍ബിന്റെ നിശ്ചിത എണ്ണം മാത്രമാകും ഇന്ത്യയില്‍ വില്‍ക്കുക. എംഐയുടെ സൈറ്റിൽ 1299 രൂപയാണ് ബൾബിന്റെ വില.

11 വർഷം ആയുസ് ലഭിക്കുമെന്നതാണ് ബൾബിന്റെ ഏറ്റവും വലിയ പ്രത്യേകത. ദിവസവും ആറ് മണിക്കൂർ ഉപയോഗിച്ചാൽ 11 വർഷം ആയുസ് ലഭിക്കുമെന്നാണ് കമ്പനിയുടെ അവകാശവാദം. എംഐ ഹോം ആപ്പ് ഉപയോഗിച്ച് ബൾബിനെ പൂർണമായി നിയന്ത്രിക്കാനാവും. ഇതിലൂടെ ഉപഭോക്താവിന്റെ അഭിരുചിക്ക് അനുസരിച്ച് കളർ മാറ്റാനാവും. 16 മില്യൺ നിറങ്ങൾ ഇത്തരത്തിൽ മാറ്റാം.

ഹോം ആപ്പിലൂടെ നിറങ്ങൾ മാറ്റുന്നതിന് പുറമെ ബൾബ് ഓണാക്കാനും ഓഫാക്കാനുമാവും. ഓഫാകാനും ഓണാകാനും പ്രത്യേകം സമയം സെറ്റ് ചെയ്യാനും കളർ ടെംപറേച്ചർ, ബ്രൈറ്റ്നെസ് തുടങ്ങിയവ അഡ്ജസ്റ്റ് ചെയ്യുവാനും ആപ്പിലൂടെ സാധിക്കും. എംഐ ഹോം ആപ്പിന് പുറമെ ആമസോൺ അലക്സ, ഗൂഗിൾ അസിസ്റ്റന്റ് തുടങ്ങിയവ ഉപയോഗിച്ചും ബൾബിനെ നിയന്ത്രിക്കാം.

ബൾബിന്റെ വിലയായ 1299 രൂപയിൽ 300 രൂപ ഷവോമിയുടെ ക്രൗഡ്​ഫണ്ടിംഗിന് വേണ്ടിയുള്ളതാണ്.

601 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close