ബംഗ്ലാദേശിനെ പരാജയപ്പെടുത്താനുള്ള സിക്സർ ആരാധികയുടെ മുഖത്തേയ്‌ക്ക് ; ഒടുവിൽ വേദന മാറ്റാൻ സമ്മാനവുമായി രോഹിത് ശർമ്മ നേരിട്ടെത്തി

ന്യൂഡൽഹി : ഇന്ത്യൻ ക്രിക്കറ്റ് ടീമിലെ മിന്നും താരം ഒരു ആരാധികയെ തേടിയെത്തിയിരിക്കുന്നു . മറ്റാരുമല്ല ലോകകപ്പ് ക്രിക്കറ്റ് മത്സരത്തിൽ സിക്സറുകളുടെ പൂരം തീർത്ത രോഹിത് ശർമ്മയാണ് താൻ മൂലം അൽപ്പം വേദനിച്ച ആരാധികയ്‌ക്ക് സമ്മാനവുമായി എത്തിയത് .

ഇന്ത്യ-ബംഗ്ലാദേശ് മത്സരത്തിലെ 92 ബോളിൽ 104 റൺസ് നേടിയത് അഞ്ചു സിക്സുകളോടെയാണ് . ഈ തകർപ്പൻ സിക്സുകളിലൊന്ന് ചെന്ന് വീണത് ഗാലറിയിലിരുന്ന ഒരു ആരാധികയ്‌ക്ക് നേരെയാണ് . മീനയെന്ന പെൺകുട്ടിയുടെ മുഖത്തേയ്‌ക്കാണ് പന്ത് വീണത് .

മത്സരം വിജയിച്ച ശേഷം രോഹിത് ശർമ്മ പരിക്ക് പറ്റിയ ആരാധികയെ തേടിയെത്തുകയും , സമ്മാനമായി ടീമിന്റെ വൈസ് ക്യാപ്റ്റൻ കൂടിയായ താൻ ഒപ്പിട്ട തൊപ്പി സമ്മാനമായി നൽകുകയും ചെയ്തു .

ഇതിന്റെ ചിത്രം ബിസിസിഐയാണ് ട്വീറ്റ് ചെയ്തത് . താരത്തിന്റെ വിനയവും,ഒപ്പം ചിത്രവും സോഷ്യൽ മീഡിയ ഏറ്റെടുത്തു കഴിഞ്ഞു .

She got hit by a @ImRo45 maximum and the opener was kind enough to check on her and give her a signed hat.#CWC19 pic.twitter.com/KqFqrpC7dS

— BCCI (@BCCI) July 2, 2019