ഫെയ്സ്ബുക്കിലും ഇന്സ്റ്റഗ്രാമിലും ട്വിറ്ററിലും ഷെയര് ചാറ്റിലുമടക്കം എല്ലാ സോഷ്യല് മീഡിയ പ്ലാറ്റ് ഫോമിലും ഇപ്പോള് ഫെയ്സ് ആപ്പ് ആണ് താരം. മലയാള ചലചിത്ര താരങ്ങളടക്കം പ്രായമായാല് എങ്ങനെയരിക്കും എന്ന് കാണിക്കുന്ന ഫെയ്സ് ആപ്പ് ചിത്രങ്ങളാണ് സമൂഹമാദ്ധ്യമങ്ങളില് ഇന്നത്തെ ചര്ച്ച വിഷയം.
2017 ജനുവരിയില് പുറത്തിറങ്ങിയ ഫെയ്സ് ആപ്പ് ആപ്ലിക്കേഷനാണ് ഒരിടവേളക്ക് ശേഷം വീണ്ടും സോഷ്യല് മീഡിയകളില് വൈറലാവുന്നത്. ഫെയ്സ് ആപ്പ് ചലഞ്ചുകളിലൂടെയാണ് താരങ്ങളുടെ ‘വാര്ധക്യ’ ഫോട്ടോകള് പുറത്തുവരുന്നത്.
ചാലഞ്ച് ഏറ്റെടുത്ത് ചലച്ചിത്ര താരങ്ങളായ മഞ്ജു വാര്യര്, ടോവിനോ തോമസ്, ജയസൂര്യ, കുഞ്ചാക്കോ ബോബന്, കാളിദാസ് ജയറാം, ഗോവിന്ദ് പദ്മസൂര്യ, ഉണ്ണി മുകുന്ദന് തുടങ്ങി മലയാള സിനിമയിലെ പ്രമുഖര് തങ്ങളുടെ ഫെയ്സ് ആപ്പ് ചിത്രങ്ങള് സോഷ്യല് മീഡിയ വഴി പങ്കുവെച്ചിട്ടുണ്ട്.
അതേ സമയം ഹരീഷ് കണാരന്, നടനും അവതാരകനുമായ ആദില് ഇബ്രാഹിം എന്നിവര് മെഗാസ്റ്റാര് മമ്മൂട്ടിയ്ക്കൊപ്പമുള്ള ചിത്രങ്ങളാണ് പങ്കുവെച്ചത്. ഇരുവരും ഫോട്ടോയില് വാര്ധക്യത്തിലെത്തി നില്ക്കുന്നവരായി പ്രത്യക്ഷപ്പെടുന്നുവെങ്കിലും മമ്മൂട്ടി ഇരു ചിത്രങ്ങളിലും ഒരുപോലെയിരിക്കുന്നു. ഫെസ് ആപ്പ് തനിക്കു മാത്രമേ ശരിയായുള്ളൂവെന്നും കൂടെ നില്ക്കുന്ന മറ്റേയാള്ക്ക് പ്രായം ഒരു വിഷയമേ അല്ലാത്തതാകും ഇതിനു കാരണമെന്നും ആദില് മമ്മൂട്ടിയ്ക്കൊപ്പമുള്ള ചിത്രത്തിന്റെ അടിക്കുറിപ്പില് ചേര്ത്തു.
FaceApp only worked with Me.The other person cannot age it said ☺️#followingthetrend
Posted by Adil Ibrahim on Tuesday, July 16, 2019
