രാജ്യാന്തര മത്സരങ്ങളില് കണ്കഷന് സബ്സ്റ്റിറ്റ്യൂഷന് പരീക്ഷണവുമായി ഐസിസി
ലണ്ടന്: ക്രിക്കറ്റ് താരങ്ങളുടെ സുരക്ഷ രാജ്യാന്തര മത്സരങ്ങളിലും ഉറപ്പാക്കാന് പുതിയ പരീക്ഷണവുമായി രാജ്യാന്തര ക്രിക്കറ്റ് കൗണ്സില് (ഐസിസി). ബൗളര്മാരുടെ ഏറുകൊണ്ട് പരുക്കേറ്റു പുറത്താക്കുന്ന ബാറ്റ്സ്മാന്മാര്ക്കു പകരക്കാരെ ഇറക്കുന്ന കണ്കഷന് സബ്സ്റ്റിറ്റിയൂഷന് സംവിധാനം ഏര്പ്പെടുത്താനാണ് ഐസിസി തീരുമാനിച്ചിരിക്കുന്നത്.
ഓഗസ്റ്റില് നടക്കുന്ന ആഷസ് പരമ്പരയില് പരീക്ഷിച്ചതിനു ശേഷം മറ്റു ഫോര്മാറ്റിലേക്കും കണ്കഷന് സബ്സ്റ്റിറ്റിയൂഷന് വ്യാപിപ്പിച്ചേക്കും. ലോക ടെസ്റ്റ് സീരിസിലെ എല്ലാ മത്സരങ്ങളിലും പുതിയ പരിഷ്കാരം ഉണ്ടാകും. ഈ വര്ഷം നടന്ന ശ്രീലങ്കയുടെ ഓസീസ് പര്യാടനത്തിനിടെ കുശാല് മെന്ഡിസ്, ദിമുത് കരുണരത്നെ എന്നിവര്ക്ക് പന്തേറു കൊണ്ട് തലയില് പരിക്കേറ്റിരുന്നു. ലോകക്കപ്പിനിടയിലും താരങ്ങള്ക്ക് ഏറുകൊണ്ട് പരിക്കേറ്റിരുന്നു.
നവംബറില് ആഭ്യന്തര മത്സരത്തില് ബാറ്റിങ്ങിനിടെ തലയില് പന്ത് കൊണ്ട് ഓസീസ് താരം ഫില് ഹ്യൂസ് മരിച്ചിരുന്നു. ഇതിനു ശേഷമാണ് പരിക്കേല്ക്കുന്ന ബാറ്റ്സ്മാന്മാര്ക്കു പകരക്കാരെ ടീമില് ഉള്പ്പെടുത്താനുളള തീരുമാനം ഐസിസി ഗൗരവമായി എടുത്തത്. ഓസ്ട്രേലിയന് ബിഗ് ബാഷ് ലീഗില് 2016 മുതല് നിയമം പ്രബല്യത്തിലുണ്ട്.
പകരക്കാരനായി കളിക്കുന്ന താരത്തിനു ബാറ്റിങ്ങും ബോളിങും ചെയ്യാന് തടസ്സമില്ല.