ലണ്ടന്: ലോകകപ്പ് ഫൈനലല് ന്യൂസിലന്ഡിനെ കീഴടക്കി കിരീടം നേടിയത്തിനെ കുറിച്ചു മനസ്സുതുറന്ന് ഇംഗ്ലണ്ട് ക്യാപ്റ്റന് ഓയിന് മോര്ഗന്. ഇംഗ്ലണ്ട് ടീം ശരിക്കും ലോകകപ്പ് അര്ഹിച്ചിരുന്നുവെന്ന് ഉറപ്പിച്ചു പറയാനാവുന്നില്ലെന്ന് മോര്ഗന് പറഞ്ഞു. ടൈംസിന് നല്കിയ അഭിമുഖത്തിലാണ് മോര്ഗന് മനസ്സുതുറന്നത്.
ലോകകപ്പ് ഫൈനലില് ബൗണ്ടറികളുടെ എണ്ണത്തിലാണ് ന്യൂസിലന്ഡിനെ കീഴടക്കി ഇംഗ്ലണ്ട് കപ്പ് നേടിയത്.
ഫൈനലില് ഇംഗ്ലണ്ടും ന്യൂസിലന്ഡും തമ്മില് കാര്യമായ വ്യത്യാസമൊന്നും ഇല്ലായിരുന്നുവെന്ന് മോര്ഗന് പറഞ്ഞു. രണ്ട് ടീമും വിജയം അര്ഹിച്ചിരുന്നു. രണ്ട് ടീമുകള്ക്കും തോല്കാനാകില്ലായിരുന്നു. ഇതുപോലെയൊരു ഫലം നീതിപൂര്വകമാണെന്ന് പറയാനാവില്ലെന്നും അദ്ദേഹം പറഞ്ഞു.
എവിടെയാണ് ജയിച്ചത്, എവിടെയാണ് തോറ്റതെന്ന് പറയാന് കഴിയുന്നില്ല. മത്സരത്തിനു ശേഷം ഇക്കാര്യത്തെക്കുറിച്ചു ന്യൂസിലന്ഡ് ക്യാപ്റ്റന് കെയ്ന് വില്യംസണോട് പലവട്ടം സംസാരിച്ചിരുന്നു. ഞങ്ങള്ക്ക് ഇരുവര്ക്കും നടന്ന സംഭവങ്ങളെ കുറിച്ച് വിശദീകരിക്കാന് കഴിയുന്നില്ല.
ഓവര്ത്രോ റണ് വിവാദം ഇതുവരെ ഉള്ക്കൊള്ളാന് കഴിഞ്ഞിട്ടില്ലെന്നും ആ സമയത്ത് എല്ലാം ശരിയായി തോന്നിയെങ്കിലും ഇപ്പോള് അതില് പിശക് തോന്നുന്നുണ്ടെന്നും ഓയിന് മോര്ഗന് പറഞ്ഞു.
