Tech

ഫെയ്‌സ്ബുക്ക് മോഡറേഷന്‍ ; അമേരിക്കയില്‍ ഒരു ദിവസം 1400 രൂപ, ഇന്ത്യയില്‍ മാസം 8000

ലോകത്തിലെ ഏറ്റവും സമ്പന്നമായ കമ്പനികളില്‍ ഒന്നായ ഫെയ്‌സ്ബുക്കിന്റെ മോഡറേഷന്‍ വിഭാഗത്തിലും മറ്റുമായി പ്രവര്‍ത്തിക്കുന്ന ജന്‍പാക്ട് ജീവനക്കാര്‍ക്ക് ലഭിക്കുന്നത് തുച്ഛമായ ശമ്പളമെന്ന് പരാതി. നേരത്തെ, മാസം 8000 രൂപയായിരുന്നു ലഭിച്ചിരുന്നത്. അടുത്തിടെ ഇത് 20,000 രൂപയായി ഉയര്‍ത്തി.

ദിവസേന ആയിരത്തോളം വരുന്ന ഫെയ്‌സ്ബുക്ക് പോസ്റ്റുകള്‍ 1600 പേരടങ്ങുന്ന ജീവനക്കാരാണ് കൈകാര്യം ചെയ്യുന്നത്. കോണ്‍ട്രാക്ട് അടിസ്ഥാനത്തില്‍ ജോലി ചെയ്യുന്ന ജീവനക്കാര്‍ക്ക് ദിവസവും പല തരത്തിലുളള പോസ്റ്റുകളാണ് കൈകാര്യം ചെയ്യേണ്ടി വരുന്നത്.

പല പോസ്റ്റുകളും ഫെയ്‌സ്ബുക്കിന്റെ മാനദണ്ഡങ്ങള്‍ പാലിക്കാത്തവയാണ്. നഗ്നദൃശ്യങ്ങള്‍, പല തരത്തിലുള്ള വീഡിയോ, പ്രകോപനപരമായ വീഡിയോയകള്‍, രാഷ്ട്രീയ പ്രശ്‌നങ്ങള്‍ തുടങ്ങിയ തരത്തിലുള്ളവയാണ് ഇവയില്‍ ചിലത്. അസുഖകരമായ പല പോസ്റ്റുകളും വീഡിയോകളും ജീവനക്കാരെ മാനസീകമായി കഷ്ടപ്പെടുത്തുന്നുണ്ടെന്ന് ഒരു ദേശീയ മാധ്യമം പുറത്ത് വിട്ടിരുന്നു.

വേതനം വര്‍ധിച്ചിട്ടുണ്ടെങ്കിലും അമേരിക്കയിലെ ജീവനക്കാര്‍ക്ക് കിട്ടുന്നതിന്റെ പകുതി പോലും ഇന്ത്യയിലെ ജീവനക്കാര്‍ക്ക് ലഭിക്കുന്നില്ലെന്നാണ് റിപ്പോര്‍ട്ട്. അമേരിക്കയില്‍ മണിക്കൂറിന് 1400 രൂപയാണ് വേതനം നല്‍കുന്നത്.

എന്നാല്‍, പുതുതായി കമ്പിനിയില്‍ വന്നവര്‍ക്ക് മാത്രമാണ് വേതനത്തില്‍ വര്‍ധനവെന്നും നേരത്തെ ഉള്ളവര്‍ക്ക് വേതനത്തില്‍ വര്‍ധനവില്ലെന്നുമാണ് ജീവനക്കാര്‍ പറയുന്നത്. അതേസമയം, ശമ്പള വര്‍ധനവിനെ കുറിച്ച് ഫെയ്‌സ്ബുക്കോ ജന്‍പാക്ടോ ഇതുവരെ പ്രതികരിച്ചിട്ടില്ല.

94 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close