ന്യൂയോര്ക്ക്: ആന്ഡ്രോയ്ഡ് സ്മാര്ട്ഫോണ് ഓപ്പറേറ്റിംഗ് സിസ്റ്റങ്ങളുടെ പേരുകള് പലപ്പോഴും കൗതുകകരമാണ്. എക്ലയര്, ദോനട്ട്, ജെല്ലി ബീന്, കപ്കേക്ക്, ഓറിയോ, പൈ, നൂഗാ ഫ്രോയോ, ജിഞ്ചര്ബ്രെഡ്, ഐസ്ക്രീം സാന്വിച്ച്, ലോലിപോപ്പ് എന്നി മധുരപലഹാരങ്ങളുടെ പേരുകളാണ് ആന്ഡ്രോയ്ഡ് സ്മാര്ട്ഫോണ് ഓപ്പറേറ്റിംഗ് സിസ്റ്റങ്ങള്ക്ക് നല്കിയിരിക്കുന്നത്. എന്നാല് മധുരപലഹാരങ്ങളോടുള്ള പ്രിയം ആന്ഡ്രോയ്ഡ് സ്മാര്ട്ഫോണ് ഓപ്പറേറ്റിംഗ് സിസ്റ്റങ്ങള് വിടുന്നതായാണ് വിവരം. ഈ പേരിടല് രീതി ഗൂഗിള് അവസാനിപ്പിക്കുന്നതായാണ് റിപ്പോര്ട്ട്.
ഇനി ആന്ഡ്രോയ്ഡ് 10 എന്നു മാത്രമെ ഓഎസിനെ പേര് നല്കു. ആന്ഡ്രോയ്ഡ് 11, ആന്ഡ്രോയ്ഡ് 12 എന്നിങ്ങനെ അക്കങ്ങള് കൂട്ടിച്ചേര്ത്തായിരിക്കും പുതിയ പതിപ്പുകള്ക്ക് പേരുകള് നല്കുകയെന്ന് ഔദ്യോഗിക വൃത്തങ്ങള് അറിയിച്ചു.
ആന്ഡ്രോയ്ഡിന് നല്കുന്ന മധുരപലഹാരങ്ങളുടെ പേരുകള് ആഗോള വിപണിയില് എല്ലാവര്ക്കും മനസിലാകുന്നില്ലെന്ന പരാതിയാണ് പുതിയ തീരുമാനത്തിന് കാരണം. ലോകത്തിലെ ഏറ്റവും കൂടുതല്പേരും ഉപയോഗിക്കുന്ന ഓപ്പറേറ്റിംഗ് സിസ്റ്റം ആയതിനാല് ഇതിന്റെ പേരുകള് എല്ലാവര്ക്കും മനസ്സിലാക്കാന് വേണ്ടിയാണ് പുതിയ നടപടിയെന്ന് ആന്ഡ്രോയ്ഡ് ഔദ്യോഗികമായി ട്വീറ്റ് ചെയ്തു.