Tech

ഉത്തരങ്ങളൊക്കെ കൃത്യമായിരിക്കണം , ഇനി ചോദ്യം ചോദിക്കുന്നത് യന്ത്രവത്കൃത ടീച്ചറാണ്

ന്യൂഡൽഹി ; ഇനി ഇംപോസിഷൻ എഴുതാതെ ടീച്ചറെ പറ്റിക്കുന്ന പരിപാടി നടക്കുമെന്ന് കരുതരുത് , കാരണം ക്ലാസ് മുറികൾ സ്മാർട്ടാകുകയാണ് . ചോദ്യം ചോദിക്കുന്നതും , സംശയങ്ങൾ തീർത്ത് തരുന്നതുമൊക്കെ യന്ത്രവത്കൃത ടീച്ചറായിരിക്കും .

ബംഗളൂരു ഇൻഡസ് ഇന്റർനാഷണൽ സ്ക്കൂളിലെ 8 ബി ക്ലാസിൽ കഴിഞ്ഞ ദിവസം പാഠങ്ങൾ എടുത്തതും , ചോദ്യങ്ങൾ ഉന്നയിച്ചതും യന്ത്രവത്കൃത ടീച്ചറായിരുന്നു . ഫിസിക്സ് ടീച്ചറായ മുരളി സുബ്രഹ്മണ്യത്തിനു മുന്നിൽ വച്ചായിരുന്നു പുതിയ ടീച്ചറിന്റെ ക്ലാസ് . ഈഗിൾ 2.0 എന്ന യന്ത്രവത്കൃത മനുഷ്യനാണ് രാജ്യത്ത് ആദ്യമായി ടീച്ചറായി എത്തിയത് .

തെർമൽ ഫിസിക്സിനെ കുറിച്ചായിരുന്നു കഴിഞ്ഞ ദിവസം ക്ലാസെടുത്തത് . തുടർന്നുള്ള ദിവസങ്ങളിൽ ബയോളജി , കെമിസ്ട്രി , ജ്യോഗ്രഫി ,ഹിസ്റ്ററി തുടങ്ങിയ വിഷയങ്ങളും യത്രവത്കൃത ടീച്ചർ പഠിപ്പിക്കുമെന്ന് സ്ക്കൂൾ മാനേജ്മെന്റ് അറിയിച്ചു .

വിദഗ്ധരായ 17 അദ്ധ്യാപകരുടെ മേൽ നോട്ടത്തിലാണ് ഈഗിൾ 2.0 എന്ന യന്ത്രവത്കൃത ടീച്ചറെ രൂപീകരണം നടന്നത് . സഹായത്തിനായി രാജ്യത്തെ പ്രശസ്തരായ ഗ്രാഫിക്സ് ,അനിമേഷൻ വിദഗ്ധരും . ഐ ഐ ടി യിലെ എഞ്ചിനീയർമാരായിരുന്നു പണിപ്പുരയിൽ . രണ്ട് വർഷം കൊണ്ടാണ് ഇത്തരത്തിൽ ഒരു റോബോട്ടിക് ടീച്ചറെ വാർത്തെടുത്തതെന്ന് ഐ ഐ ടി വൃത്തങ്ങൾ അറിയിച്ചു .

111 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close