Tech

സുരക്ഷാ വീഴ്ച്ച; ഐഫോണ്‍ ഉപഭോക്താക്കള്‍ക്ക് ഹാക്കിംഗ് ഭീഷണി

സാന്‍ഫ്രാന്‍സിസ്‌കോ: ഹാക്ക് ചെയ്യപ്പെട്ട ചില വെബ്‌സൈറ്റുകള്‍ ഐഫോണ്‍ ഉപയോക്താക്കള്‍ക്ക് ഹാക്കിംഗ് ഭീഷണി ഉയര്‍ത്തുന്നതായി റിപ്പോര്‍ട്ട്. ഗൂഗിളിന്റെ സുരക്ഷാ ഗവേഷകരാണ് ഇക്കാര്യം കണ്ടെത്തിയത്. സന്ദേശങ്ങള്‍, ഫയലുകള്‍, ലൊക്കേഷന്‍ എന്നീ വിവരങ്ങള്‍ ചോര്‍ത്താന്‍ ഈ വെബ്‌സൈറ്റുകള്‍ക്ക് കഴിയും.

ഐഫോണ്‍ ഉപയോക്താക്കളുടെ പ്രവര്‍ത്തികള്‍ നിരീക്ഷിക്കാന്‍ ഈ വൈബ്സൈറ്റുകളാണ് ഹാക്കര്‍മാര്‍ ഉപയോഗിച്ചിരുന്നത്. വര്‍ഷങ്ങളായി ഈ വെബ്‌സൈറ്റുകള്‍ വിവേചനവുമില്ലാതെ മാല്‍വെയറുകള്‍ പ്രചരിപ്പിക്കുന്നുണ്ടെന്നും ഗൂഗിള്‍ കണ്ടെത്തി.

ഗൂഗിള്‍ ത്രെട്ട് അനാലിസിസ് ഗ്രൂപ്പ് ഹാക്ക് ചെയ്യപ്പെട്ട ചില വെബ്സൈറ്റുകള്‍ കണ്ടെത്തിയിരുന്നു. ഐഫോണ്‍ ഉപയോഗിച്ച് ഈ വെബ്‌സൈറ്റുകളില്‍
എത്തിയവരാണ് ഹാക്കിംഗിന് ഇരയായതെന്നും ഗവേഷകര്‍ കണ്ടെത്തി. ആയിരക്കണക്കിനാളുകള്‍ സന്ദര്‍ശിച്ച വെബ്‌സൈറ്റുകള്‍ വരെ ഇക്കൂട്ടത്തിലുണ്ടായിരുന്നുവെന്നും ഗൂഗിള്‍ വ്യക്തമാക്കി.

ഐഓഎസ് 10 മുതല്‍ ഐഓഎസ് 12 വരെയുള്ള പതിപ്പുകള്‍ ഹാക്ക് ചെയ്യാന്‍ ഹാക്കര്‍മാര്‍ക്ക് കഴിഞ്ഞെന്നും ഗൂഗിള്‍ കണ്ടെത്തി. ഐഫോണിലെ സുരക്ഷാ വീഴ്ച്ച മുതലെടുത്താണ് വെബ്‌സൈറ്റുകള്‍ ഹാക്കിംഗ് ഭീഷണി ഉയര്‍ത്തുന്നത്. ആപ്പിള്‍ അധികൃതരെ പ്രശ്നം അറിയിച്ചുവെന്നും പ്രശ്നം പരിഹരിച്ചുവെന്നും ഗൂഗിള്‍ വ്യക്തമാക്കി.

56 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close