Tech

പപ്പു സീബ്രയ്ക്ക് ശേഷം വരുന്നു ‘പ്രൊഫസര്‍ പോയിന്റര്‍’; സൈബര്‍ സുരക്ഷ പദ്ധതിയുമായി കേരളാ പോലീസ്

തിരുവനന്തപുരം: റോഡ് സുരക്ഷ പദ്ധതിയുടെ ഭാഗമായി കേരളാ പോലീസ് അവതരിപ്പിച്ച പപ്പു സീബ്ര വന്‍ ജനപിന്തുണ നേടിയിരുന്നു. രാജ്യാന്തര തലത്തില്‍ തന്നെ ശ്രദ്ധ നേടിയ പപ്പുവിലൂടെ റോഡ് സെന്‍സ് പദ്ധതി വിജയകരമാക്കാനും കേരളാ പോലീസിന് സാധിച്ചു.

എന്നാല്‍ ഇപ്പോളിതാ മറ്റൊരു പദ്ധതിയുമായി കേരളാ പോലീസ് വീണ്ടും രംഗത്തു വരികയാണ്. ഇത്തവണ സൈബര്‍ സുരക്ഷയെ മുന്‍ നിറുത്തിയുള്ള ബോധവല്‍കരണ പ്രചരണ പദ്ധതിയാണ് ലക്ഷ്യം.’പ്രൊഫസര്‍ പോയിന്റര്‍- ദി ആന്‍സര്‍ ടു സൈബര്‍ ഇഷ്യൂസ്’ എന്നു പേരിട്ടിരിക്കുന്ന പദ്ധതി കുട്ടികളെയും മുതിര്‍ന്നവരെയും ഒരേപോലെ ലക്ഷ്യമിടുന്നു.

ആനിമേഷന്‍ ചിത്രങ്ങള്‍ ചിത്രകഥകള്‍ സ്റ്റിക്കര്‍ പോസ്റ്റര്‍ എന്നിവ ഉപയോഗിച്ചാണ് കുട്ടികളെയും മുതിര്‍ന്നവരെയും ബോധവല്‍കരിക്കുവാനായി കേരളാ പോലീസ് തയ്യാറെടുക്കുന്നത്. കുട്ടികള്‍ക്കിടയില്‍ സൈബര്‍ കുറ്റകൃത്യങ്ങള്‍ വര്‍ധിക്കുന്ന പശ്ചാത്തലത്തിലാണ് പോലീസ് പുതിയ പദ്ധതി രൂപീകരിച്ചിരിക്കുന്നത്.

കംപ്യൂട്ടറും കഴ്‌സറും മൗസും ചേര്‍ന്ന രൂപമാണ് പ്രൊഫസര്‍ പോയിന്ററിന് നല്‍കിയിട്ടുള്ളത്. ആര്‍ട്ടിസ്റ്റ് നന്ദന്‍ പിള്ളയുടെ കരവിരുതില്‍ രൂപം കൊണ്ട കഥാപാത്രത്തിന് കേരള പോലീസിന്റെ സൈബര്‍ മേധാവിയായ എഡിജിപി മനോജ് എബ്രാഹാമാണ് പേരിട്ടത്.മെഗാസ്റ്റാര്‍ മമ്മുട്ടിയാണ് തന്റെ ഔദ്യോഗിക ഫേസ്ബുക്ക് പേജിലൂടെ അനിമേഷന്‍ ചിത്രം പുറത്തിറക്കിയത്.

80 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close