Tech

ടെലഗ്രാമിന് നിരോധനം; ഹര്‍ജിയില്‍ ഹൈക്കോടതി കേന്ദസര്‍ക്കാരിനോട് വിശദീകരണം തേടി

കൊച്ചി: സമൂഹമാധ്യമമായ ടെലഗ്രാം നിരോധിക്കണമെന്നാവശ്യപ്പെട്ട് സമര്‍പ്പിച്ച ഹര്‍ജിയില്‍ ഹൈക്കോടതി കേന്ദ്ര സര്‍ക്കാരിനോട് വിശദീകരണം തേടി. സമാനമായ കേസുകള്‍ സുപ്രീംകോടതിയുടെ പരിധിയില്‍ ഉണ്ടെന്നും ഇത്തരം ആപ്പുകളെ നിയന്ത്രിക്കുന്നതിനുള്ള കരട് നിയമം തയ്യാറാക്കി വരികയാണെന്നും അസിസ്റ്റന്റ് സോളിസ്റ്റര്‍ ജനറല്‍ കോടതിയെ അറിയിച്ചു.

ബാംഗ്ലൂരിലെ നിയമ വിദ്യാര്‍ത്ഥിനിയും കോഴിക്കോട് സ്വദേശിയുമായ അഥീന സോളമനാണ് ടെലഗ്രാം നിരോധിക്കണമെന്ന ആവശ്യവുമായാണ് കോടതിയെ സമീപിച്ചത്. ടെലഗ്രാമിലൂടെ കുട്ടികളുടെ നഗ്ന ചിത്രങ്ങളും ദൃശ്യങ്ങളും ഒളിക്യാമറ ഉപയോഗിച്ച് പകര്‍ത്തുകയും പങ്കുവെക്കുകയും ചെയ്യുന്നുണ്ടെന്നും എത്രയും വേഗം നിരോധിക്കണമെന്നുമാണ് പരാതിയിലെ ഉള്ളടക്കം.

2013-ല്‍ റഷ്യയില്‍ ആരംഭിച്ച ടെലഗ്രാം ആപ്പിന് കേരളത്തില്‍ 13 ലക്ഷം പ്രേക്ഷകര്‍ ഉണ്ടെന്നും ഹര്‍ജിയില്‍ പറയുന്നു. രാജ്യത്തെ നിയമത്തിന് എതിരായാണ് ടെലഗ്രാമിന്റെ പ്രവര്‍ത്തനമെന്നും അന്വേഷണ ഏജന്‍സികള്‍ക്ക് പോലും ഇടപെടാനാകാത്ത തരത്തിലാണ് ആപ്പ് നിര്‍മ്മിച്ചത്, ഇന്ത്യയില്‍ ഇതിന് ലൈസന്‍സ് ഇല്ലെന്നും ഹര്‍ജിയില്‍ സൂചിപ്പിച്ചിട്ടുണ്ട്. കേസ് മൂന്നാഴ്ചയ്ക്ക് ശേഷം വീണ്ടും പരിഗണിക്കും

70 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close