വ്യാജ വാര്ത്തകള്ക്കെതിരെ ഉപയോക്താക്കള്ക്ക് മുന്നറിയിപ്പുമായി റിലയന്സ് ജിയോ. ആറു മാസത്തേക്ക് 25 ജി ബിയുടെ സൗജന്യ ഡേറ്റ വാഗ്ദാനം ചെയ്യുന്നുവെന്ന വ്യജ വാര്ത്തയ്ക്കെതിരെയാണ് ജിയോ രംഗത്തെത്തിയത്.
വ്യാജ എസ്എംഎസ് ശ്രദ്ധയില്പ്പെട്ടവരാണ് കസ്റ്റമര് കെയറുമായി ബന്ധപ്പെട്ടത്. എന്നാല് അത്തരം ഓഫര് ജിയോ നല്കിയിട്ടില്ലെന്ന മറുപടിയാണ് ലഭിച്ചത്. ജിയോ ഓഫറുമായിട്ടുള്ള എല്ലാ വിവവരങ്ങളും മൈജിയോ ആപ്പിലോ ജിയോ ഡോട്ട് കോമിലോ ലഭിക്കുമെന്നും റിലയന്സ് ജിയോ അറിയിച്ചു.
മൊബൈല് ഫോണ് ഉപഭോക്താക്കളെ കബളിപ്പിക്കാന് സുപ്രധാന ടിവി ഷോയായ കോന് ബനേഗ ക്രോര് പതിയുടെ പേരു ചേര്ത്താണ് എസ്എംഎസ് നല്കുന്നത്. അതേസമയം ഇത്തരം എസ്എംഎസുകള് ലഭിക്കുന്നതായി നിരവധി ഉപഭോക്താക്കള് പരാതി പറഞ്ഞു.
ഇതിനെതിരെ ശക്തമായ നടപടി സ്വീകരിക്കാനൊരുങ്ങുകയാണ് ജിയോ റിലയന്സ്. സ്പാം സന്ദേശങ്ങളും, ചതികളും ശ്രദ്ധിക്കണമെന്നും അബദ്ധങ്ങളില് ചെന്നു പെടരുതെന്നും റിലയന്സ് മുന്നറിയിപ്പു നല്കുന്നു.
