ലണ്ടന്: കേംബ്രിഡ്ജ് അനലിറ്റിക്കയ്ക്ക് ഉപയോക്താക്കളുടെ വിവരങ്ങള് ചോര്ത്തി നല്കിയ കേസില് ബ്രിട്ടന് ചുമത്തിയ പിഴ അടയ്ക്കാന് സമ്മതിച്ച് ഫേസ്ബുക്ക്. 500,000 പൗണ്ടാണ് ഫേസ്ബുക്ക് പിഴ അടക്കേണ്ടത്. ബ്രിട്ടനിലെ ഇന്ഫര്മേഷന് കമ്മീഷണര് കഴിഞ്ഞവര്ഷമാണ് ഫേസ്ബുക്കിന് പിഴ ചുമത്തിയത്.
എട്ട് കോടിയോളം ഉപയോക്താക്കളുടെ വിവരങ്ങള് അവരുടെ സമ്മതമില്ലാതെ ഫേസ്ബുക്ക് ബ്രിട്ടീഷ് കമ്പനിയായ കേംബ്രിഡ്ജ് അനലിറ്റിക്ക് കൈമറിയെന്നാണ് കണ്ടെത്തല്. ഒരു ദശലക്ഷം ബ്രിട്ടീഷ് പൗരന്മാരുടെ വിവരങ്ങള് കമ്പനിയ്ക്ക് നല്കിയെന്നാണ് ഇന്ഫര്മേഷന് കമ്മീഷണറേറ്റ് കണ്ടെത്തിയത്. പിഴ അടയ്ക്കുന്നതോടൊപ്പം ഉപയോക്താക്കളുടെ സ്വകാര്യതാ നയവുമായി ബന്ധപ്പെട്ട ചില നിയന്ത്രണങ്ങളും കമ്മീഷന് ഫേസ്ബുക്കിന് മുന്നില് വച്ചിട്ടുണ്ട്.
എന്നാല് കേംബ്രിഡ്ജ് അനലിറ്റിക്ക വിവാദത്തില് ഐസിഒ നടത്തിയ കണ്ടെത്തലുകളുടെ പൂര്ണ ഉത്തരവാദിത്വം തങ്ങളുടെതല്ലെന്ന നിലപാടിലാണ് ഫേസ്ബുക്ക്.
