Tech

ചിലവ് ചുരുക്കല്‍; ഇന്‍ഫോസിസില്‍ തുടക്കക്കാര്‍ക്ക് മുന്‍ഗണന, 12,000 സീനിയര്‍ ജീവനക്കാരെ പിരിച്ചു വിടും

ബെംഗളുരു: ചിലവ് ചുരുക്കലിന്റെ ഭാഗമായി തുടക്കക്കാരെ നിയമിക്കാന്‍ ഇന്‍ഫോസിസ് ലക്ഷ്യമിടുന്നു. മിഡില്‍, സീനിയര്‍ ഉദ്യോഗസ്ഥരുടെ എണ്ണം കുറച്ച് തുടക്കക്കാരെ നിയമിക്കാനാണ് അധികൃതരുടെ നീക്കം. ഇതോടെ ഉന്നത തസ്തികയില്‍ ഉള്‍പ്പെടുന്ന ജീവനക്കാര്‍ ഉള്‍പ്പെടെ 12,000 പേരെയെങ്കിലും കമ്പനി ഒഴിവാക്കുമെന്നാണ് സൂചന.

സിഇഒ സലില്‍ പരീഖിന്റെ നേതൃത്വത്തില്‍ കമ്പനിക്ക് നഷ്ടമുണ്ടായതിനെ തുടര്‍ന്നാണ് തീരുമാനമെടുക്കാന്‍ അധികൃതര്‍ തയ്യാറായത്. തുടക്കക്കാര്‍ക്ക് കുറച്ച് ശമ്പളം നല്‍കിയാല്‍ മതിയെന്നതിനാലാണ് കമ്പനികള്‍ ചെലവുചുരുക്കലിന്റെ ഭാഗമായി ഈ വഴി സ്വീകരിക്കുന്നത്. ഇതിലൂടെ നടപ്പ് സാമ്പത്തിക വര്‍ഷത്തില്‍ ആയിരം കോടി രൂപ ലാഭിക്കാനാണ് ഇന്‍ഫോസിസിന്റെ ലക്ഷ്യം

കമ്പനിയുടെ വളര്‍ച്ച കുറയ്ക്കുന്ന ഘടകങ്ങള്‍ കണ്ടെത്തി ചെലവു ചുരുക്കലുമായി ബന്ധപ്പെട്ട് 21 ഇന പദ്ധതികളാണ് കമ്പനി നടപ്പാക്കുന്നത്. ഇതിലൂടെ 100 മുതല്‍ 150 മില്യണ്‍ വരെ ഡോളര്‍ ലാഭിക്കുകയാണ് ലക്ഷ്യമെന്നും ചീഫ് ഫിനാന്‍ഷ്യല്‍ ഓഫീസര്‍ നിലന്‍ജ്ഞന്‍ റോയ് കഴിഞ്ഞ ദിവസം വ്യക്തമാക്കിയിരുന്നു.

യുഎസിലും യൂറോപ്പിലുമായി ഒരുവര്‍ഷത്തിനുള്ളില്‍ 1,700 പേരെ കമ്പനി പുതിയതായി നിയമിച്ചിട്ടുണ്ട്. തുടക്കക്കാരെ നിയമിച്ച് ചെലവു ചുരുക്കുന്ന നടപടി മിക്കവാറും കമ്പനികള്‍ നടത്താറുള്ളതാണെന്നാണ് വിദഗ്ധരുടെ വിലയിരുത്തല്‍. ജോലിയിലെ പ്രകടനം കണക്കിലെടുത്ത് മുമ്പും ആളുകളെ പിരിച്ചു വിട്ടിട്ടുണ്ടെങ്കിലും ഇത്രയും ഉയര്‍ന്ന തോതിലുള്ള പിരിച്ചു വിടല്‍ ഇതാദ്യമാണെന്നാണ് റിപ്പോര്‍ട്ട്.

247 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.

Back to top button
Close