പ്ലേസ്റ്റോറിലെ ചില ആപ്പുകള്‍ അതീവ അപകടകരം; എത്രയും വേഗം ഇവ അണ്‍ ഇന്‍സ്റ്റാള്‍ ചെയ്യണമെന്ന് മുന്നറിയിപ്പുമായി ഗൂഗിള്‍
കൊച്ചി: പ്ലേസ്റ്റോറിലെ ചില ആപ്ലിക്കേഷനുകള്‍ അതീവ അപകടകാരികളാണെന്ന മുന്നറിയിപ്പുമായി ഗൂഗിള്‍. അപകടകാരികളായ ആപ്ലിക്കേഷനുകള്‍ പ്ലേ സ്റ്റോറില്‍ നിന്നും നീക്കം ചെയ്തതായും ഗൂഗിള്‍ അറിയിച്ചു. ഈ ആപ്ലിക്കേഷനുകള്‍ സ്മാര്‍ട്ട് ഫോണുകളില്‍ ഇന്‍സ്റ്റാള്‍ ചെയ്തിട്ടുള്ളവര്‍ എത്രയും വേഗം ഫോണില്‍ നിന്നും അവ അണ്‍ ഇന്‍സ്റ്റാള്‍ ചെയ്യണമെന്നും ഗൂഗിള്‍ ഉപഭോക്താക്കള്‍ക്ക് നിര്‍ദ്ദേശം നല്‍കിയിട്ടുണ്ട്.
ഐസോഫ്റ്റ് വികസിപ്പിച്ച മൂന്ന് ആപ്പുകളായ അലാറം ക്ലോക്ക്, കാല്‍ക്കുലേറ്റര്‍, ഫ്രീ മാഗ്നിഫൈയിംഗ് ഗ്ലാസ് എന്നിവയും ലിസോട്ട്മിറ്റ്‌സ് രൂപകല്‍പ്പന ചെയ്ത മാഗ്നിഫൈയര്‍, സൂപ്പര്‍ ബ്രൈറ്റ് ഫ്‌ളാഷ് ലൈറ്റ്, പമ്പ് ആപ്പ് വികസിപ്പിച്ച മാഗ്നിഫൈയിംഗ് ഗ്ലാസ്, സൂപ്പര്‍ ബ്രൈറ്റ് എല്‍ഇഡി ഫ്‌ളാഷ് ലൈറ്റ് എന്നിവയാണ് അപകടകാരികളായ ആപ്ലിക്കേഷനുകള്‍.
മാല്‍വെയര്‍ രീതിയിലാണ് ഇവയെല്ലാം പ്രവര്‍ത്തിക്കുന്നത്. ഈ മൂന്ന് കമ്പനികളെയും ഗൂഗിള്‍ കരിമ്പട്ടികയില്‍ ഉള്‍പ്പെടുത്തിയിട്ടുണ്ട്. ഇവ സ്മാര്‍ട്ട് ഗാഡ്ജറ്റിന്റെ വേഗത കുറയ്ക്കുകയും പരസ്യങ്ങള്‍ കാണിക്കുന്നതിനായി അനിയന്ത്രിതമായി പ്രവര്‍ത്തിക്കുകയും ചെയ്യുന്നതായാണ് കണ്ടെത്തിയിരിക്കുന്നത്.
ഒരു ആപ്ലിക്കേഷന്‍ ഇന്‍സ്റ്റാള്‍ ചെയ്യുന്നതിലൂടെ ഉപഭോക്താവിന്റെ സമ്മതമില്ലാതെ സ്വയം ഇന്‍സ്റ്റാള്‍ ആകുന്ന ആപ്ലിക്കേഷനുകളായ ഡ്രോപ്പര്‍ ആപ്പുകളായി ഇവ പ്രവര്‍ത്തിക്കുമെന്നും കണ്ടെത്തിയിട്ടുണ്ട്. മാല്‍വെയര്‍ പിന്തുണയ്ക്കുന്ന ആപ്ലിക്കേഷനെ നിയന്ത്രിക്കുന്നതിനായി ഗൂഗിള്‍ നടപ്പിലാക്കിയ പദ്ധതിയുടെ ഭാഗമായാണ് ഈ ആപ്പുകളെ ഒഴിവാക്കിയിരിക്കുന്നത്.
Post Your Comments
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.