ലക്നൗ: ഉത്തര്പ്രദേശില് ട്രക്കില് കടത്താന് ശ്രമിച്ച 50 ലക്ഷം രൂപയുടെ അനധികൃത മദ്യം പിടികൂടി. സംഭവത്തില് ഒരാളെ പോലീസ് അറസ്റ്റ് ചെയ്തു. ഹരിയാന സ്വദേശി ഗുര്മലിയെയാണ് അറസ്റ്റ് ചെയ്തത്. ഉത്തര്പ്രദേശിലെ ഗാസിബാദില് ഇന്ന് ഉച്ചയോടെയാണ് സംഭവം.
570 പെട്ടി മദ്യമാണ് ട്രക്കിനകത്ത് ഉണ്ടായിരുന്നതെന്ന് പോലീസ് അറിയിച്ചു. ഹരിയാനയിലെ ഷഹ്പുരില് നിന്നും മൊറാദാബാദിലേക്ക് വില്പ്പനയ്ക്കായാണ് മദ്യം കൊണ്ടുവന്നതാണെന്നും പോലീസ് പറഞ്ഞു.
അതേസമയം പോലീസിനെ കണ്ട് ഒരാള് ഓടി രക്ഷപ്പെട്ടു. ഗുര്മലിയുടെ സുഹൃത്ത് തൗഫീക്ക് ആണ് രക്ഷപ്പെട്ടത്. ഇയാള്ക്കായുള്ള തെരച്ചില് പോലീസ് ഊര്ജ്ജിതമാക്കി.
അടുത്തിടെയായി ഗാസിബാദ് പ്രദേശത്ത് മദ്യക്കടത്ത് വ്യാപകമാകുന്നതായി ഗാസിബാദ് എസ്എസ്പി സുധീര് കുമാര് സിംഗ് വ്യക്തമാക്കി. തുടര്ന്ന് ചെക്പോസ്റ്റുകളില് എല്ലാം തന്നെ കനത്ത പരിശോധനയാണ് പോലീസ് നടത്തിവരുന്നത്. കൂടാതെ അനധികൃതമായി മദ്യം കടത്തുന്നവരെയും, അനധികൃതമായി മദ്യ വില്പ്പന നടത്തുന്നവരെയും
പിടികൂടാനുള്ള ശ്രമത്തിലാണ് പോലീസ് എന്നും സിംഗ് കൂട്ടിച്ചേര്ത്തു.