ലണ്ടന്: ഇംഗ്ലീഷ് പ്രീമിയര് ലീഗില് ആഴ്സണലിന് അപ്രതീക്ഷിത പരാജയം. ലീഗില് പിന് നിരക്കാരായ ബ്രൈറ്റനാണ് ആഴ്സണലിനെ ഞെട്ടിച്ചത്. ഒന്നിനെതിരെ രണ്ടു ഗോളുകള് ക്കാണ് ആഴ്സണല് തോല്വി വഴങ്ങിയത്. കളിയുടെ അവസാന നിമിഷം ബ്രൈറ്റണിന്റെ മൗപേയാണ് ആഴ്സണലിന്റെ ലീഗ് പോയിന്റ് നിലയിലെ മുന്നേറ്റത്തിന് വിലങ്ങുതടിയായത്.
ശക്തമായ പ്രതിരോധത്തിലൂന്നി കളിച്ച ബ്രൈറ്റണ് ആഴ്സണലിന് ആദ്യപകുതിയില് ഗോളടിക്കാന് ഒരു അവസരവും നല്കിയില്ല. രണ്ടാം പകുതിയില് പക്ഷെ ഉണര്ന്നുകളിച്ച ആഴ്സണല് സൂപ്പര്താരം പെപ്പേയിലൂടെ മുന്നിലെത്തി. 68-ാം മിനിറ്റിലാണ് ആഴ്സണലിന്റെ ഏക ഗോള് പിറന്നത്. എന്നാല് 75-ാം മിനിറ്റില് ദിനം ആഴ്സണലിനൊപ്പമല്ല എന്ന് പ്രഖ്യാപി ക്കുന്ന മറുപടി ഗോള് പിറന്നു. ബ്രൈറ്റണിനായി ലൂയിസ് ഡങ്കാണ് ഗോളടിച്ചത്. തുടര്ന്ന് വിജയഗോളിനായി നടത്തിയ ആഴ്സണലിന്റെ ശ്രമങ്ങളൊന്നും ഫലം കണ്ടില്ല. ഇതിനിടെ കളിയുടെ അവസാന നിമിഷങ്ങളിലെ അധികസമയത്ത് മൗപേയാണ് ആഴ്സണലിന്റെ പ്രതീക്ഷകള്ക്ക് നേരെ ഗോളടിച്ചത്. 95-ാം മിനിറ്റിലാണ് ബ്രൈറ്റണിന്റെ വിജയഗോള് പിറന്നത്. ഇതോടെ നിലവിലില് 10-ാം സ്ഥാനത്ത് നിന്നും മുന്നേറാനുള്ള ആഴ്സണലിന്റെ ശ്രമമാണ് തടയപ്പെട്ടത്.
മറ്റ് മത്സരങ്ങളില് വൂള്വ്സും ക്രിസ്റ്റല് പാലസും ജയം നേടി. എതിരില്ലാത്ത രണ്ടുഗോളുകള് ക്കാണ് ഇരുടീമുകളും ശനിയാഴ്ച രാവിനെ തങ്ങളുടേതാക്കിയത്. വൂള്വ്സ് വെസ്റ്റ്ഹാമിനേയും പാലസ് ബേണ്മൗത്തിനേയുമാണ് തോല്പ്പിച്ചത്. ലീഗിലെ മുമ്പന്മാരായ ലിവര്പൂളിന്റെ മത്സരം ഇന്ന് നടക്കും. കൊറോണ കാലത്തെ ആദ്യമത്സരത്തിനാണ് ചുവപ്പന്പട ഇന്നിറ ങ്ങുന്നത്. എവര്ട്ടണാണ് എതിരാളി. ഇന്നുതന്നെ നടക്കുന്ന രണ്ടാം മത്സരത്തില് ചെല്സി ആസ്റ്റണ്വില്ലയേയും നേരിടും.
