കിംഗ്സറ്റണ്: വര്ണ്ണവിവേചനത്തിനെതിരെ പുതിയ ആരോപണവുമായി ഡാരന് സമി വീണ്ടും രംഗത്ത്. ക്രിക്കറ്റില് ബൗണ്സര് നിയമങ്ങള് കൊണ്ടുവന്നത് കറുത്തവര്ഗ്ഗക്കാരെ നിയന്ത്രിക്കാനാണെന്നാണ് സമിയുടെ ആരോപണം. ഐ.പി.എല്ലില് തന്നെ കാലൂ എന്ന പേര് വിളിച്ചെന്ന ആരോപണവുമായിട്ടാണ് വെസ്റ്റിന്ഡീസ് താരം സമി ആദ്യം രംഗത്തെത്തിയത്. ഇതിന് മറുപടിയുമായി ഇന്ത്യന് താരങ്ങള് രംഗത്തുവന്നിരുന്നു. അതിന് പുറകേയാണ് സമിയുടെ ഐ.സി.സി നിയമങ്ങള് പോലും വര്ണ്ണവെറിയുടെ ഭാഗമാണെന്ന ഗുരുതര ആരോപണം സമി ഉന്നയിച്ചു.
ക്രിക്കറ്റിന്റെ തുടക്കത്തില് ഇംഗ്ലീഷ് താരങ്ങള് മാരകമായിട്ടാണ് പന്തെറിഞ്ഞിരുന്നത്. നിരവധി പേര്ക്ക് പരിക്കേല്ക്കുകയും ചെയ്തിരുന്നു. ജെഫ് തോംസണ്, ഡെന്നീസ് ലില്ലി എന്നിവര് ഉദാഹരണമായണെന്നും സമി ചൂണ്ടിക്കാട്ടി. എന്നാല് അന്നൊന്നും ഒരു നിയമവും കൊണ്ടുവന്നില്ല. എന്നാല് കരീബിയന് താരങ്ങള് അന്താരാഷ്ട്രതലത്തില് മികച്ച ബൗളര്മാരാ യതോടെയാണ് നിയമങ്ങള് ഏര്പ്പെടുത്തിയതെന്നാണ് സമി ആരോപിക്കുന്നത്.
വെസ്റ്റിന്ഡീസ് മികച്ച ബൗളര്മാരിലൂടെ ലോകക്രിക്കറ്റ് അടക്കിവാഴാന് തുടങ്ങിയ തോടെയാണ് നിയമങ്ങളെക്കുറിച്ച് പലരും ചിന്തിച്ചുതുടങ്ങിയതെന്നും സമി കുറ്റപ്പെടുത്തി.