മിലാന്: ഇറ്റാലിയന് ലീഗായ സീരി ഏയിലെ കരുത്തരായ ഇന്റര് മിലാനെ വെറോണ സമനില യില് തളച്ചു. ഇരുടീമുകളും ഈരണ്ടു ഗോളുകള് വീതം അടിച്ചാണ് സമനിലയില് പിരിഞ്ഞത്. അത്ലാന്റയെ മറികടന്ന് മൂന്നാം സ്ഥാനത്തേക്ക് എത്താവുന്ന അവസരമാണ് ഇന്റര് കളഞ്ഞു കുളിച്ചത്.
തുടക്കത്തില്തന്നെ ലീഗിലെ 9-ാം സ്ഥാനക്കാര് നാലാം സ്ഥാനക്കാരെ ഞെട്ടിച്ചു. വെറോണ യുടെ ദാര്കോ ലാസോവിച്ചാണ് തുടക്കത്തില്തന്നെ 2-ാം മിനിറ്റിലാണ് ഗോള് നേടിയത്. തുടര്ന്ന് ആക്രമിച്ച് കളിച്ച ഇന്റര് മിലാന് പക്ഷേ ആദ്യപകുതിയില് ഗോളടിക്കാനായില്ല. എന്നാല് രണ്ടാം പകുതിയുടെ തുടക്കത്തില് 49-ാം മിനിറ്റില് അന്റോണിയോ കാന്ഡ്രീവ മിലാന് വേണ്ടി സമനില നേടി. തുടര്ന്ന് വീണ്ടു മിലാന് വെറോണയുടെ ക്വാര്ട്ടില് ആക്രമണം ശക്തമാക്കിയതോടെ വെറോണയുടെ പിഴവില് മിലാന് ലീഡും നേടാനായി.
ഫെഡ്രറികോ ഡീമാര്കോയാണ് സെല്ഫ് ഗോളടിച്ച് ടീമിന്റെ മുന്തൂക്കം കളഞ്ഞുകുളിച്ചത്. എന്നാല് മിലാനെ ജയിക്കാന് വീടാതെ വെറോണയുടെ പ്രത്യാക്രമണമാണ് പിന്നീട് കണ്ടത്. കളി അവസാനിക്കാന് മിനിറ്റുകള് അവശേഷിക്കേ മിഗ്വല് വെലോസോ വെറോണയ്ക്ക് സ്വപ്നതുല്യ സമനില നേടിക്കൊടുത്തു. ഇന്നു നടക്കുന്ന കളികളില് ലാസിയോ സാസൂവോലയേയും എസി റോമ ബ്രസീയയേയും നേരിടും. നാളെ ലീഗിലെ ഒന്നാം സ്ഥാനക്കാരായ യുവന്റസ് മൂന്നാം സ്ഥാനക്കാരായ അത്ലാന്റയേയും ജെനോവ സ്പാളിനേയും നേരിടും.