അയോധ്യ: ശ്രീരാമചന്ദ്രന്റെ ജന്മദേശം നേപ്പാളെന്ന പ്രധാനമന്ത്രി കെ.പി. ശര്മ ഒലിയുടെ വിവാദ പരാമര്ശത്തിനെതിരെ അയോധ്യയിലെ സന്യാസി സമൂഹം രംഗത്ത്. അയോധ്യ ക്ഷേത്രത്തിന്റെ പ്രധാന പൂജാരിയാണ് ശര്മയുടെ പ്രസ്താവക്കെതിരെ ശക്തമായി ആദ്യം പ്രതികരിച്ചത്. ശ്രീരാമന് സരയൂനദി തീരത്ത് ജനിച്ച ഭാരതത്തിന്റെ രാജകുമാരനാണെന്ന് മറക്കരുതെന്ന് മഹന്ത് ദീനേന്ദ്ര ദാസ് മറുപടി നല്കി.
‘ഭഗവാന് ശ്രീരാമന് ജനിച്ചതിവിടെയാണ്. അദ്ദേഹം സരയൂ നദീതീരത്തെ രാജകൊട്ടാരത്തില് പിറന്ന രാജകുമാരനാണ്. അയോധ്യ അതുകൊണ്ടുതന്നെ ശ്രീരാമന്റെ ജന്മദേശമാണ്. സീതാ ദേവി നേപ്പാള് സ്വദേശിയാണ്. എന്നാല് അതിന്റെ പേരില് രാമന്റെ മേല്
അവകാശം സ്ഥാപിക്കാന് ശ്രമിക്കരുത്’ മഹന്ത് ദീനേന്ദ്ര ദാസ്.
ഒലി ചൈനയ്ക്കും പാകിസ്താനും വേണ്ടി പ്രവര്ത്തിക്കുന്ന വ്യക്തിയാണ്. അനാവശ്യ കാര്യത്തിനാണ് ഇന്ത്യക്കെതിരെ പ്രസ്താവനകള് നടത്തുന്നതെന്ന് രാമാ ദള് ട്രസ്റ് അംഗം കല്കി രാംദാസും വിമര്ശനവുമായി രംഗത്തെത്തി. എല്ലാവര്ഷവും ഇന്ത്യയേയും നേപ്പാളിനേയും ബന്ധപ്പെടുത്തി നടക്കുന്ന ശ്രീരാമ സീതാ സ്വയംവര യാത്ര ഇരു രാജ്യങ്ങളുടേയും സാംസ്കാരിക വകുപ്പുകളാണ് സംയുക്തമായി നടത്തുന്നതെന്നതും ഒലി മറന്നിരിക്കുകയാണ്. ഒലിയുടെ എല്ലാ നീക്കങ്ങളും ചൈനയുടെ തന്ത്രങ്ങള്ക്കനു സരിച്ചാണെന്നും അയോധ്യയിലെ മഹന്ത് പരമഹംസ ആചാര്യ വിമര്ശിച്ചു. ഒലി ഒരു നേപ്പാള് സ്വദേശി തന്നെയാണോ എന്നതില് സംശയമുണ്ടെന്നും ആചാര്യ പറഞ്ഞു.