ടെഹ്റാന്: ഇറാനും ചൈനയും അമേരിക്കയ്ക്ക് നേരെ സംയുക്ത നീക്കത്തിന് ധാരണ. അമേരിക്കയുടെ മുന്നറിയിപ്പുകളെ ലംഘിച്ചുകൊണ്ടുള്ള ആയുധ-വാണിജ്യകരാറിന് ചൈനയുമായി പങ്കാളിത്തം ഇറാന് ഉറപ്പിച്ചു കഴിഞ്ഞു. ഇരു രാജ്യങ്ങളും തമ്മില് ഉര്ജ്ജമേഖല യിലും സൈനിക മേഖലയിലും പങ്കാളിത്തം ശക്തമാണെന്നാണ് അന്താരാഷ്ട്ര മാദ്ധ്യമങ്ങള് തെളിവു നിരത്തുന്നത്.
ഇറാനിലെ ഉര്ജ്ജമേഖലയില് ചൈന വന്തോതിലുള്ള മുതല്മുടക്കാണ് നടത്തിയി രിക്കുന്നത്. ഒപ്പം തിരിച്ച് എണ്ണ മേഖലയിലും സൈനികമേഖലയിലും ഇറാന് സഹായം രഹസ്യമായി നല്കിയെന്ന വിവരമാണ് പുറത്തുവരുന്നത്. ആണവ ശക്തി ദുരുപയോഗം ചെയ്യാന് സാധ്യതയുള്ള ഇറാനെതിരെ അമേരിക്ക ഉപരോധം ശക്തമാക്കിയിരിക്കേ ആണവ ശക്തിയുള്ള പുതിയ ശത്രുവായ ചൈനയുടെ പങ്കാളിത്തത്തെ അതീവഗൗരവതരമെന്നാണ് വാഷിംഗ്ടണ് വിശേഷിപ്പിക്കുന്നത്.
18 പേജുകളടങ്ങുന്ന ഇറാന്-ചൈന പങ്കാളിത്ത രേഖകള് അമേരിക്കന് മാദ്ധ്യമമായ ന്യൂയോര്ക്ക് ടൈംസാണ് പുറത്തുവിട്ടത്. ഇറാനില് കഴിഞ്ഞ ഒരു വര്ഷത്തിനിടെ ചൈനയുടെ സമ്പത്തിക വാണിജ്യ സ്ഥാപനങ്ങള് വ്യാപകമായി സ്ഥാപിക്കപ്പെട്ടുകഴിഞ്ഞു. നിരവധി ബാങ്കുകള്, ടെലികമ്യൂണിക്കേഷന് സ്ഥാപനങ്ങള്, റെയില്വേ തുടങ്ങി ഒരു ഡസനിലധികം മേഖലയില് ചൈന വന് മുതല്മുടക്കാണ് നടത്തിയിരിക്കുന്നതെന്നും മാദ്ധ്യമങ്ങള് ചൂണ്ടിക്കാണിക്കുന്നു. ബദലായി പാകിസ്താന് വഴി ചൈനയിലേയ്ക്ക് എണ്ണ എത്തിക്കാനുള്ള കരാര് അടുത്ത 25വര്ഷത്തേക്കാണ് ചൈന ഒപ്പിട്ടിരിക്കുന്നതെന്നും സൂചനയുണ്ട്.