ലിസ്ബണ്: ചാമ്പ്യന്സ് ലീഗില് പി.എസ്.ജി ആരാധകര്ക്ക് സന്തോഷ വാര്ത്ത. പരിക്കേറ്റ സൂപ്പര്താരം കിലിയന് എംബാപ്പേയാണ് നിര്ണ്ണായക മത്സരത്തില് കളിക്കാനിറങ്ങുന്നത്.
പിഎസ്ജിയുടെ സൂപ്പര്താരം പരിക്കേറ്റ് ചികിത്സയിലായിരുന്നു. ചാമ്പ്യന്സ് ലീഗിന്റെ ക്വാര്ട്ടര് പോരാട്ടത്തില് അത്ലാന്റയ്ക്കെതിരെ 13-ാം തീയതിയാണ് മത്സരം നടക്കുന്നത്. ശനിയാഴ്ച താരം പരിശീലനത്തിനിറങ്ങിയതോടെയാണ് കളിക്കാനുള്ള സാദ്ധ്യത തെളിഞ്ഞിരിക്കുന്നത്.
ഫ്രഞ്ച് കപ്പിനിടെയാണ് എംബാപ്പേയ്ക്ക് പരിക്കേറ്റത്. ഇടംകാലിട്ടു വീഴ്ത്തിയ എംബാപ്പേ കരഞ്ഞുകൊണ്ടാണ് കളം വിട്ടത്. വലതുകണങ്കാലിനാണ് പരിക്കേറ്റത്. ഒരുമാസത്തെ യെങ്കിലും വിശ്രമം വേണ്ടിവരുമെന്നാണ് അന്ന് ഡോക്ടര്മാര് പറഞ്ഞത്. എംബാപ്പേയെ വീഴ്ത്തിയതിനെച്ചൊല്ലി കൂട്ടത്തല്ലിലേയ്ക്കാണ് താരങ്ങള് നീങ്ങിയത്.
