ജയ്പൂര്: രാജസ്ഥാന് റോയല്സിന്റെ ഫീല്ഡിംഗ് കോച്ചിന് കൊറോണ സ്ഥിരീകരിച്ചു. ദിഷാന്ത് യാഗ്നിക്കാണ് രോഗബാധ സ്ഥിരീകരിച്ചിരിക്കുന്നത്. ഈ വര്ഷത്തെ ഐപിഎല് മത്സരങ്ങള്ക്കായി ടീം യുഎഇയിലേക്കു തിരിക്കാനിരിക്കെയാണ് ഫീല്ഡിംഗ് കോച്ചിന് കൊറോണ സ്ഥിരീകരിച്ചത്.
ദിഷാന്ത് നിലവില് സ്വന്തം നാടായ ഉദയ്പൂരിലാണുള്ളത്. 14 ദിവസം ആശുപത്രിയില് ക്വാറന്റൈനില് കഴിയാന് അദ്ദേഹത്തോട് ആവശ്യപ്പെട്ടിട്ടുണ്ട്. ഇതിനു ശേഷം രണ്ടു കൊറോണ പരിശോധനകള്ക്കു കൂടി അദ്ദേഹം വിധേയനാകും. ഇവയുടെ ഫലം നെഗറ്റീവായാല് മാത്രമെ അദ്ദേഹത്തിന് യുഎഇയിലേക്ക് പോകാന് കഴിയുകയുള്ളൂ.
യുഎഇയില് എത്തിയ ശേഷവും ദിഷാന്ത് ഒരാഴ്ചത്തോളം ഐസൊലേഷനില് കഴിയണം. അവിടെ വെച്ച് മൂന്ന് പരിശോധനകള് കൂടി നടത്തുമെന്നാണ് വിവിരം. കഴിഞ്ഞ 10 ദിവസത്തിനിടെ ദിഷാന്തുമായി സമ്പര്ക്കം പുലര്ത്തിയ എല്ലാവരും സ്വയം ഐസൊലേഷനില് പോവാനും കൊറോണ പരിശോധനയ്ക്ക് വിധേയരാവാനും നിര്ദ്ദേശം നല്കിയിട്ടുണ്ട്.
