ലെസ്ബണ്‍: യൂറോപ്പാ ലീഗ് ക്വാര്‍ട്ടറില്‍ സെവിയയും ഷക്തറും സെമിയില്‍ കടന്നു. ഷാക്തര്‍ ഡോണ്‍സ്റ്റീക് ബേസലിനെ ഒന്നിനെതിരെ നാലു ഗോളുകള്‍ക്ക് തകര്‍ത്തപ്പോള്‍ സെവിയ എതിരില്ലാത്ത ഒറ്റ ഗോളിനാണ് വൂള്‍വ്‌സിനെ പരാജയപ്പെടുത്തിയത്.
കളിയുടെ ആദ്യനിമിഷങ്ങളില്‍ത്തന്നെ ജൂനിയര്‍ മൊറായെസിലൂടെ ഷാക്തര്‍ മുന്നിലെത്തി. 2-ാം മിനിറ്റിലായിരുന്നു ആദ്യഗോള്‍. തുടര്‍്‌ന് 22-ാം മിനിറ്റില്‍ തായ്‌സണ്‍ രണ്ടാം ഗോള്‍ നേടി. അലന്‍ പാട്രിക്കിന്റെ വകയായിരുന്നു മൂന്നാമത്തെ ഗോള്‍. 75-ാം മിനിറ്റിലെ പെനാല്‍റ്റിയാണ് ഗോളായത്. തുടര്‍ന്ന് ഡോമില്‍സണ്‍ 88-ാം മിനിറ്റിലും ഗോള്‍ നേടി. കളിയുടെ അവസാന നിമിഷം ഇഞ്ചുറിടൈംമില്‍ റിക്കി വാനിന്റെ വകയായിരുന്നു ബേസലിന്റെ ആശ്വാസ ഗോള്‍.
സെവി 1-0നാണ് വൂള്‍വ്‌സിനെ കീഴടക്കിയത്. ആദ്യപകുതി ഗോള്‍രഹിത സമനിലയിലാണ് അവസാനിച്ചത്. ഇരുടീമുകളും പ്രതിരോധത്തിലൂന്നി കളിച്ചതോടെ കളി വിരസമായി. എന്നാല്‍ 88-ാം മിനിറ്റില്‍ ലൂക്കാസ് ഓക്കാമ്പോസാണ് സെവിയയുടെ വിജയഗോള്‍ നേടിയത്.
സെമിഫൈനലില്‍ സെവിയ മാഞ്ചസ്റ്റര്‍ യുണൈറ്റഡിനേയും ഷാക്തര്‍ ഇന്റര്‍ മിലാനേയും നേരിടും. ഈ മാസം 17നും 18നുമാണ് സെമിഫൈനലുകള്‍ നടക്കുന്നത്. ഫൈനല്‍ പോരാട്ടം 22നാണ്.
