ചെന്നൈ: ചെന്നൈ സൂപ്പര് കിംഗ്സ് നായകന് മഹേന്ദ്ര സിംഗ് ധോണിയുടെ കൊറോണ പരിശോധന ഫലം നെഗറ്റീവ്. ഐപിഎല്ലിന് മുന്നോടിയായി റാഞ്ചിയിലെ ഗുരുനാനാക് ആശുപത്രിയിലാണ് ധോണി സ്രവ പരിശോധന നടത്തിയത്. ഇതോടെ ധോണി പരിശീലന ക്യാമ്പില് പങ്കെടുക്കുമെന്ന് ഉറപ്പായിരിക്കുകയാണ്.
ഈ വര്ഷത്തെ ഐപിഎല് മത്സരങ്ങള് ദുബായിയിലാണ് നടക്കുക. ടൂര്ണമെന്റില് പങ്കെടുക്കാനായി ചെന്നെ സൂപ്പര് കിംഗ്സാണ് ആദ്യം യാത്രതിരിക്കുക. ഓഗസ്റ്റ് 21നാണ് ചെന്നൈ യുഎഇയിലേക്ക് വിമാനം കയറുക. ഇതിനു മുന്നോടിയായാണ് ധോണി പരിശോധനയ്ക്ക് വിധേയനായത്.
യുഎഇയിലേക്ക് യാത്ര തിരിക്കുന്നതിന് മുന്നോടിയായി ചെന്നൈ ടീം ഒരാഴ്ച നീണ്ടുനില്ക്കുന്ന പരിശീലനം നടത്തുന്നുണ്ട്. ഹര്ഭജന് സിംഗ്, സുരേഷ് റെയ്ന, പീയുഷ് ചൗള എന്നിവര് ക്യാമ്പില് പങ്കെടുക്കും. ബൗളിംഗ് പരിശീലകനായ ലക്ഷ്മിപതി ബാലാജിയുടെ കീഴിലാണ് പരിശീലനം നടക്കുക.
Comments