ചാമ്പ്യൻസ് ലീഗിൽ മാഞ്ചസ്റ്റർ സിറ്റി-ബയേണ് മ്യൂണിച് സൂപ്പർ സെമിപോരാട്ടം സ്വപ്നം കണ്ട ആരാധകർക്ക് നിരാശ. പെപ്പ് ഗ്വാര്ഡിയോളയുടെ ഇംഗ്ലീഷ് തന്ത്രങ്ങളൊന്നും ചാമ്പ്യൻസ് ലീഗ് ക്വാർട്ടർ ഫൈനലിൽ ഫലം കണ്ടില്ല.
മത്സരത്തില് കരുത്തരായ മാഞ്ചസ്റ്റർ സിറ്റിയെ 3-1 ന് തകർത്താണ് ലിസ്ബണിൽ ഫ്രഞ്ച് ക്ലബ് ഒളിമ്പിക് ലിയോണിന്റെ ജൈത്രയാത്ര. 24-ാം മിനിറ്റിൽ മാക്സ് വെൽ കോരന്റ്, 79, 87 മിനിറ്റുകളിൽ പകരക്കാരനായി എത്തിയ മൂസാ ഡെംബലെ എന്നിവരാണ് സിറ്റിയുടെ യൂറോപ്പ്യന് പ്രതീക്ഷ തല്ലിത്തകർത്തത്.
ക്വാർട്ടറിൽ കരുത്തരായ ബാഴ്സയെ തകർത്ത് എത്തി ബയേൺ മൂണിച്ചാണ് ലിയോണിന്റെ എതിരാളികൾ. മറ്റൊരു സെമിയിൽ പിഎസ്ജി ലെയ്പിസിങ്ങിനെ നേരിടും.
