മുംബൈ: ഐ.പി.എല്ലിന്റെ ആരാധകരെ ആവേശത്തിലാക്കി ടീമുകള് യു.എ.യിലേയ്ക്ക് പറന്നു. കിംഗ്സ് ഇലവന് പഞ്ചാബും രാജസ്ഥാന് റോയല്സുമാണ് ആദ്യം പുറപ്പെടുന്നത്. ഇന്നാണ് രണ്ടു ടീമുകളും ഇന്ത്യയില് നിന്നും വിമാനം കയറുക. പ്രത്യേക വിമാനങ്ങളിലാണ് ഓരോ ക്ലബ്ബുകളും അവരവരുടെ ടീമംഗങ്ങളെ കൊണ്ടുപോകുന്നത്. കൊറോണ പ്രതിരോധം കൃത്യമായി പാലിക്കാന് പി.പി.ഇ കിറ്റുകള് പോലും ധരിച്ചാണ് വിമാനത്താവളങ്ങളിലേയ്ക്ക് താരങ്ങള് എത്തിയത്. മലയാളിതാരം സഞ്ജു.വി.സാംസണടക്കം വിമാനത്താവള ത്തിലെത്തിയ ചിത്രമാണ് റോയല്സ് ട്വിറ്ററിലൂടെ പങ്കുവെച്ചത്.
UAE ready! 😷💗#HallaBol | #RoyalsFamily pic.twitter.com/fJaUrFSwq5
— Rajasthan Royals (@rajasthanroyals) August 20, 2020
ക്ലബ്ബുകള് സ്വന്തം ട്വീറ്ററിലൂടെയാണ് ടീമുകളുടെ ഒരുക്കങ്ങള് അറിയിച്ചത്.കിംഗ്സ് ഇലവന് പഞ്ചാബിന്റെ താരമായ മുഹമ്മദ് ഷമി തന്റെ സ്വന്തം ട്വിറ്ററിലൂടെ ദുബായ് യാത്ര സൂചിപ്പിച്ചു. രാജസ്ഥാന് റോയല് താരങ്ങള് സുരക്ഷാ വസ്ത്രങ്ങള് ധരിച്ച് നില്ക്കുന്ന ചിത്രമാണ് കൊടുത്തത്.
Apne munde 🦁🦁🦁off to Dubai ✈️ pic.twitter.com/yZ5cfAjMel
— Mohammad Shami (@MdShami11) August 20, 2020
മഹേന്ദ്രസിംഗ് ധോണിയടക്കമുള്ള ചെന്നെ സൂപ്പര് കിംഗ്സ് 21-ാം തീയതിയാണ് പുറപ്പെടുകയെന്ന് മുന്നേ സൂചിപ്പിച്ചിരുന്നു. സെപ്തംബര് 19 മുതല് നവംബര് 10 വരെയാണ് 13-ാം ഐ.പി.എല് നടക്കാന് പോകുന്നത്. ഫൈനല് നടക്കുന്നത് ചരിത്രത്തിലാദ്യമായി പ്രവൃത്തിദിവസമായ ചൊവ്വാഴ്ചയാണ്. സ്റ്റാര് സ്പോര്ട്ട്സ് അഭ്യര്ത്ഥിച്ചതിനെ തുടര്ന്നാണ് ഫൈനല് തീയതി മാറ്റിയത്. ഇന്ത്യയിലെ ദീപാവലി പരിപാടികള് പ്രമാണിച്ച് നവംബര് 8 ഞായര് മാറ്റിയത്. കാണികള് കുറയുമെന്ന പ്രശ്നമാണ് സംപ്രേക്ഷണാവകാശം എടുത്തിരിക്കുന്ന സ്റ്റാര് സ്പോര്ട്ട്സ് ചൂണ്ടിക്കാട്ടിയത്.
Comments