ലണ്ടന്: മാഞ്ചസ്റ്റര് നായകന് ഹാരീ മഗ്വയര് അപ്പീല് നൽകി. തല്ലുണ്ടാക്കുകയും അറസ്റ്റ് തടയാന് ശ്രമിക്കുകയും പോലീസിന് കൈക്കൂലി കൊടുക്കാന് ശ്രമിച്ചതിനുമാണ് ശിക്ഷ വിധിച്ചത്. ആകെ 21മാസവും 10 ദിവസവുമാണ് ഗ്രീസിലെ കോടതി ശിക്ഷ വിധിച്ചത് . ഹാരിയും സഹോദരനും അടിപിടിയിൽ കൂടെയുണ്ടായിരുന്ന സുഹൃത്തും സംയുക്തമായാണ് അപ്പീൽ നൽകിയത്.
ശിക്ഷ ഉറപ്പിച്ചാൽ മാത്രമേ ടീമില് നിന്നും ഇടക്കാലത്തേയ്ക്ക് വിലക്കിനുള്ള സാദ്ധ്യത യുള്ളുവെന്നും ക്ലബ്ബ് അറിയിച്ചു.വിലക്കുണ്ടായാൽ പ്രമുഖ താരത്തിന് രണ്ടു സീസണുകളാണ് നഷ്ടമാവാനാണ് സാദ്ധ്യത.
ഒഴിവുകാലം ആസ്വദിക്കാന് പോയ സ്ഥലത്ത് ഹാരിയും സഹോദരനും സുഹൃത്തും ചേര്ന്നാണ് അടിപിടിയുണ്ടാക്കിയത്. ഗ്രീസിലെ മൈക്കോനോസ് എന്ന ഒഴിവുകാല വിശ്രമകേന്ദ്രത്തിലാണ് സംഭവം നടന്നത്. അക്രമം അറിഞ്ഞെത്തിയ പോലീസിന് കൈക്കൂലി കൊടുക്കാന് ശ്രമിച്ചതിനും കോടതി കേസ്സ് എടുത്തു. എന്നാല് പരാതിയില് പറയുന്നത്ര വലിയ പ്രശ്നങ്ങളൊന്നും ഉണ്ടായില്ലെന്നും അപ്പീല് പോകുമെന്നും കഴിഞ്ഞ ദിവസം ഹാരി പറഞ്ഞിരുന്നു.
