ദുബായ്: ഐ.പി.എല് സീസണിലെ ഏറ്റവും മികച്ച സ്പിന്നറെ പ്രശംസിച്ച് മുന് ഓസ്ട്രേലിയന് നായകന് റിക്കിപോണ്ടിംഗ്. ഇന്ത്യന് ക്രിക്കറ്റിന്റെ സ്പിന് ബൗളിംഗ് കരുത്തായ താരത്തെ തന്നെയാണ് റിക്കി പോണ്ടിംഗ് ആദരവോടെ കാണുന്നത്. ഡല്ഹി ഇത്തവണ സ്വന്തമാക്കിയ സ്പിന്നറുടെ പന്തടക്കത്തിന്റെ കാര്യത്തില് പോംണ്ടിംഗിന് നൂറു ശതമാനം വിശ്വാസമാണ്. ഐ.പി.എല്ലില് ഏറ്റവും വിജയിച്ച സ്പിന്നര് രവിചന്ദ്ര അശ്വിനാണെന്ന് പോണ്ടിംഗ് ഉറപ്പിച്ചു പറയുന്നു. രണ്ടു പേരും ഇന്നലെയാണ് ദുബായിയില് വച്ച് കണ്ടുമുട്ടിയത്. ഡല്ഹി ക്യാപിറ്റല്സിന്റെ പ്രധാന പരിശീലകനെന്ന റോളിലാണ് റിക്കി സീസണില് ഐ.പി.എല്ലിന്റെ ഭാഗമായിരിക്കുന്നത്.
അശ്വന് ഐ.പി.എല്ലില് നടത്തിയ മന്കാദ് പ്രയോഗങ്ങള് ഏറെ വിമര്ശിക്കപ്പെട്ടെങ്കിലും കഴിവിന്റെ കാര്യത്തില് അശ്വിന് ഒന്നാമനാണെന്ന് തന്നെയാണ് റിക്കി പോണ്ടിംഗ് അവകാശപ്പെടുന്നത്. കിംഗ്സ് ഇലവന് പഞ്ചാബില് രണ്ടു സീസണ് പൂര്ത്തിയാക്കിയാണ് അശ്വിന് ഡല്ഹിയുടെ ഭാഗമാകുന്നത്. ഇതുവരെ 139 ഐ.പി.എല് മത്സരങ്ങളിലായി 125 വിക്കറ്റുകളാണ് അശ്വിന് വീഴ്ത്തിയിരിക്കുന്നത്. 375 റണ്സും നേടിയിട്ടുണ്ട്. ഇത്തവണ ഡല്ഹി അശ്വിനൊപ്പം ബാറ്റിംഗിലെ കരുത്തനായ ഇന്ത്യന് ടെസ്റ്റ് ക്രിക്കറ്റ് ഉപനായകന് അജിന്ക്യാ രഹാനയേയും സ്വന്തമാക്കിയിട്ടുണ്ട്.
Comments