കയ്പ്പയ്ക്ക അല്ലെങ്കിൽ ‘പാവയ്ക്ക’, പേര് കേൾക്കുമ്പോൾ തന്നെ മനസ്സിലേയ്ക്ക് ഓടിയെത്തുന്നത് അതിന്റെ കയ്പ്പ് തന്നെയാണ്. അധികമാർക്കും ഇഷ്ടപ്പെടുന്നതല്ല ‘പാവയ്ക്ക’ യുടെ കയ്പ്പുള്ള നീര്. അതുപോലെ തന്നെയാണ് നാരങ്ങയും, വെറുതെ കഴിക്കാൻ ബുദ്ധിമുട്ടാണെങ്കിലും മറ്റു പലതും ചേർത്ത് നാരങ്ങാ നീര് കഴിക്കാൻ വലിയ പ്രയാസമില്ല. അതേസമയം ഇവ രണ്ടും രുചിയിൽ കേമന്മാരല്ലെങ്കിലും ഗുണം അമൃതിനേക്കാൾ ഇരട്ടിയാണ്. ശരീരഭാരം കുറയ്ക്കാൻ മുതൽ രക്തം ശുദ്ധീകരിക്കാൻ വരെ ഇവയ്ക്ക് കഴിവുണ്ടെന്നാണ് കണ്ടെത്തലുകൾ വിവരിക്കുന്നത്.
മറ്റ് പച്ചക്കറികളിൽ നിന്നും പഴങ്ങളിൽ നിന്നും വ്യത്യസ്തമാണ് പാവയ്ക്കയും നാരങ്ങയും. കാരണം ആരോഗ്യത്തിന് ഇത്രയേറെ ഗുണങ്ങള് നല്കുന്ന വേറൊന്നില്ല എന്നത് തന്നെയാണ്. അത്രയേറെ ഗുണങ്ങളാണ് ഇവയ്ക്കുള്ളത്. ഇവ പാചകം ചെയ്ത് കഴിയ്ക്കുന്നതിനേക്കാള് ഉപയോഗത്തിൽ വരുക ജ്യൂസ് ആക്കി കഴിയ്ക്കുമ്പോഴാണ്.
ജ്യൂസ് തയ്യാറാക്കുന്ന വിധം
പാവയ്ക്ക രണ്ടെണ്ണം എടുത്ത് അതിന്റെ കുരിവും വെളുത്ത ഭാഗവും കളയുക. ബാക്കിയുള്ളത് ചെറിയ കഷ്ണങ്ങളാക്കി അരമണിക്കൂര് വെള്ളത്തില് ഇട്ട് വെയ്ക്കുക. അതിനു ശേഷം ഇതെടുത്ത് മിക്സിയില് നല്ലതുപോലെ അടിക്കുക. ഒരു നാരങ്ങ പിഴിഞ്ഞെടുത്ത് നീര് അൽപ്പം അൽപ്പമായി ചേർത്ത് ഇളക്കുക.
മിശ്രിതത്തിന്റെ ആരോഗ്യഗുണങ്ങള്
- രക്തം ശുദ്ധീകരിയ്ക്കുന്നതിന് പാവയ്ക്ക ജ്യൂസ് സഹായിക്കുന്നു. രക്തത്തിലെ മാലിന്യങ്ങളെ പുറംന്തള്ളി പല തരത്തിലുള്ള ചര്മ്മ പ്രശ്നങ്ങള്ക്കും പരിഹാരം നല്കുന്നു.
- കരളില് അടിഞ്ഞിരിയ്ക്കുന്ന വിഷാംശത്തെ ഇല്ലാതാക്കുന്നതിന് പാവയ്ക്ക ജ്യൂസ് സഹായിക്കുന്നു. മാത്രമല്ല കരളിന്റെ പ്രവര്ത്തനങ്ങളെ മികവുറ്റതാക്കാനും പാവയ്ക്ക ജ്യൂസ് സഹായിക്കുന്നു.
- പ്രമേഹപ്പേടിയുള്ളവര് പാവയ്ക്ക ജ്യൂസ് കുടിയ്ക്കുന്നത് സ്ഥിരമാണ്. രാവിലെ പ്രഭാത ഭക്ഷണത്തിനു മുന്പായി ഒരു ഗ്ലാസ് പാവയ്ക്ക ജ്യൂസ് കുടിച്ചു കൊണ്ട് ആരംഭിച്ചു നോക്കൂ. ഇത് പ്രമേഹത്തെ ഒരാഴ്ച കൊണ്ട് തന്നെ കെട്ടു കെട്ടിയ്ക്കും.
- കൊളസ്ട്രോള് കുറയ്ക്കാനും മുന്നിലാണ് പാവയ്ക്ക നീര്. ശരീരത്തിലെ ചീത്ത കൊളസ്ട്രാളിനെ കുറച്ച് നല്ല കൊളസ്ട്രോളിനെ വര്ദ്ധിപ്പിക്കുന്നു.
- ക്യാന്സര് പ്രതിരോധിയ്ക്കുന്നതിനും പാവയ്ക്ക ജ്യൂസ് സഹായിക്കുന്നതായി പഠനങ്ങൾ പറയുന്നു. ക്യാന്സര് ഉണ്ടാക്കുന്ന കോശങ്ങളെ ഇല്ലാതാക്കാന് പാവയ്ക്ക ജ്യൂസിനു കഴിയും
- രോഗപ്രതിരോധ ശേഷി വര്ദ്ധിപ്പിക്കുന്നതിനും പാവയ്ക്ക് ജ്യൂസിന്റെ നിരന്തരമായ ഉപയോഗം കാരണമാകുന്നു. ഇതിലൂടെ നമ്മളെ ബാധിയ്ക്കാവുന്ന പല ഗുരുതരമായ രോഗങ്ങള്ക്കും തടയിടാന് കഴിയുന്നു.
- തടി കുറയ്ക്കാന് ശ്രമിക്കുന്നവര്ക്ക് ദിവസവും പാവയ്ക്ക ജ്യൂസ് കഴിച്ചാല് മതി. ഇത് തടിയെ കുറയ്ക്കുകയും മെറ്റബോളിസം ഉയര്ത്തുകയും ചെയ്യുന്നു.
Comments