പാലക്കാട് : ശ്രീകൃഷ്ണ ജയന്തിയേയും ഉണ്ണിക്കണ്ണന്മാരേയും അവഹേളിച്ചതിന് മുൻ എസ്.എഫ്.ഐ നേതാവിനെതിരെ പരാതി. പാലക്കാട് മേഴത്തൂർ കള്ളിക്കാട്ടിൽ വീട്ടിൽ സേതുമാധവനെതിരെ ആണ് പരാതി. ബിജെപി തൃത്താല ജനറൽ സെക്രട്ടറി ഉണ്ണിക്കൃഷ്ണൻ ആണ് പരാതി നൽകിയത്.
ശ്രീകൃഷ്ണ ജയന്തിക്ക് കൃഷ്ണ വേഷം കെട്ടിയ കുട്ടികൾ വെള്ളം കുടിക്കുന്ന ചിത്രമിട്ട് അത് കുട്ടികൾ മദ്യപിക്കുകയാണെന്ന വിധത്തിൽ ഹൈന്ദവ വിശ്വാസികളേയും കുട്ടികളേയും അപമാനിച്ച് ഫേസ്ബുക്ക് പോസ്റ്റ് ഇട്ടതിനാണ് പരാതി നൽകിയത്. ഇത് മനപൂർവ്വം സംഘർഷമുണ്ടാക്കാൻ ശ്രമിച്ചാണെന്ന് ചൂണ്ടിക്കാട്ടിയാണ് തൃത്താല പൊലീസ് സ്റ്റേഷനിൽ പരാതി നൽകിയത്.
പട്ടാമ്പി കോളേജിലെ എസ്.എഫ്.ഐ നേതാവും മുൻ ചെയർമാനുമായ സേതുമാധവൻ നിലവിൽ ഒമാനിലാണ് ജോലി ചെയ്യുന്നത്. ഇയാളുടെ കമ്പനിക്കും പരാതി നൽകിയിട്ടുണ്ടെന്നാണ് റിപ്പോർട്ട്.
