അഹാന കൃഷ്ണ കുമാറിനെ കുറിച്ചുള്ള അച്ഛനും നടനുമായ കൃഷ്ണ കുമാറിന്റെ വാക്കുകളാണ് ഇപ്പോള് സാമൂഹമാദ്ധ്യമങ്ങളില് ശ്രദ്ധേയമാവുന്നത്. അഹാനയെ വളര്ത്തിയാണ് തങ്ങള് മക്കളെ വളര്ത്താന് പഠിച്ചതെന്നാണ് കൃഷ്ണ കുമാര് പറയുന്നത്. ജീവിതമാകുന്ന യാത്രയുടെ ഇടയ്ക്ക് ചിലര് കൂടി വന്നുചേരുമെന്നും അക്കൂട്ടത്തില് ആദ്യമെത്തിയത് അഹാനയാണെന്നും കൃഷ്ണ കുമാര് പറയുന്നു.
തങ്ങള് മക്കളെ വളര്ത്തിയതില് പല പോരായ്മകളും ഉണ്ടായിരിക്കാമെന്നും അന്നവര് കുഞ്ഞായിരുന്നതിനാല് അതൊക്കെ സഹിച്ചു കാണുമെന്നും എന്നാലിന്ന് അവരുടെ പോരായ്മകളെ തങ്ങളും സ്നേഹത്തോടെ സഹിക്കണമെന്നും കൃഷ്ണ കുമാര് പറയുന്നു. കുടുംബജീവിതത്തില് മാതാപിതാക്കളും മക്കളുമായി സ്നേഹത്തില് ജീവിച്ചാല് സ്വര്ഗമാണെന്നും എന്നാല് തിരിച്ചായാല് നരകമാവുമെന്നും അദ്ദേഹം പറയുന്നു.
സ്നേഹവും വിട്ടുവീഴ്ചയും ഉണ്ടായാല് കുടുംബജീവിതം സുഖകരമാണെന്നും പ്രായം, ജീവിതാനുഭവം, പക്വത എന്നീ കാരണങ്ങളാല് മാതാപിതാക്കളാണ് വിട്ടുവീഴ്ച ചെയ്യാന് കൂടുതല് സാധ്യതയെന്നും കൃഷ്ണ കുമാര് പറയുന്നു. മാതാപിതാക്കളുടെ മനസ്സ് മനസിലാക്കാന് മക്കള്ക്ക് കഴിഞ്ഞാല് മാതാപിതാക്കന്മള് അനുഗ്രഹീതരാകുമെന്നും കാരണം അവരും നാളെ മാതാപിതാക്കള് ആവേണ്ടവര് ആണെന്നും കൃഷ്ണ കുമാര് പറയുന്നു. ഫെയ്സ്ബുക്കിലൂടെയാണ് കൃഷ്ണ കുമാര് കുറിപ്പ് പങ്കുവെച്ചിരിക്കുന്നത്.
കൃഷ്ണ കുമാറിന്റെ ഫെയ്സ്ബുക്ക് കുറിപ്പ്-
“ജീവിതം ഒരു യാത്രയാണ്. അനുഗ്രഹീതമായൊരു യാത്ര. നന്മയും തിന്മയും കൂടികലര്ന്ന ഒരു യാത്ര. ആ യാത്രയില് ഇടയ്ക്കു വെച്ച് ചിലര് കൂടി വന്നു ചേരും… മക്കള്.. ആക്കൂട്ടത്തില് ആദ്യം വന്നു ചേര്ന്ന ആളാണ് അഹാന. ഞങ്ങള് മക്കളെ വളര്ത്താന് പഠിച്ചത് ആഹാനയെ വളര്ത്തിയാണ്. പല പോരായ്മകള് ഉണ്ടായി കാണാം അന്ന്. അവര് കുഞ്ഞായിരുന്നത് കൊണ്ട് സഹിച്ചു കാണും. അവര് ഇന്ന് വലുതായി. സ്വന്തം കാലില് നില്കാന് പഠിച്ചു. അവരിലും നന്മകളും പോരായ്മകളും കാണും. പണ്ട് നമ്മളെ സഹിച്ചതു പോലെ അവരുടെ പോരായ്മകളും സ്നേഹത്തോടെ സഹിക്കുക.. സ്നേഹത്തോടെ പറഞ്ഞു മനസ്സിലാക്കുക.
കുടുംബജീവിതത്തില് മാതാപിതാക്കളും മക്കളുമായി സ്നേഹത്തില് ജീവിച്ചാല് സ്വര്ഗമാണ്.. തിരിച്ചായാല് നരകവും. സ്നേഹവും വിട്ടുവീഴ്ചയും ഉണ്ടായാല് കുടുംബജീവിതം സുഖകരമാണ്. മാതാപിതാക്കള്ക്കാണ് വിട്ടുവീഴ്ച ചെയ്യാന് കൂടുതല് സാധ്യത. കാരണം ജീവിതാനുഭവം, പ്രായം, പക്വത എല്ലാമുണ്ട്.. മാതാപിതാക്കളുടെ മനസ്സ് മനസിലാക്കാന് മക്കള്ക്ക് കഴിഞ്ഞാല് നമ്മള് മാതാപിതാക്കന്മാര് അനുഗ്രഹീതരും. കാരണം അവരും നാളെ മാതാപിതാക്കള് ആവേണ്ടവര് ആണ്. കാര്യങ്ങള് മനസ്സിലാക്കുന്ന മക്കളെ ദൈവം ഞങ്ങള്ക്ക് അനുഗ്രഹിച്ചു തന്നു. എത്ര നന്ദി പറഞ്ഞാലും തീരില്ല. മക്കളോടെന്നും പറയും പ്രാര്ത്ഥിക്കാന്. പ്രാര്ത്ഥിക്കുമ്പോള് ഒന്നും ചോദിക്കരുത്, തന്ന സൗഭാഗ്യങ്ങള്ക്ക് നന്ദി പറയുക. നന്ദി പറഞ്ഞു കൊണ്ടേ ഇരിക്കുക. ഏതിനും, എല്ലാത്തിനും, ഒന്നുമില്ലായ്മക്കും.. കാരണം ഒന്നുമിലാത്തപ്പോഴും നമ്മുടെ ജീവന് നില നിര്ത്തിന്നതിനു നന്ദി പറയുക. ദൈവത്തിന്റെ ഒരു ടൈമിംഗ് ഉണ്ട്. അപ്പോള് എല്ലാം നടക്കും. ക്ഷെമ യോടെകാത്തിരിക്കുക. എല്ലാവര്ക്കും നല്ല ജീവിതം ഉണ്ടാകട്ടെ..”
