ദുബായ്: ഐ.പി.എല് മൂന്നാം മത്സരത്തില് ബാംഗ്ലൂര് റോയല് ചലഞ്ചേഴ്സിന് സണ്റൈസേഴ്സ് ഹൈദരാബാദിനെതിരെ മികച്ച സ്ക്കോര്. അരങ്ങേറ്റത്തില് അര്ദ്ധ സെഞ്ച്വറികുറിച്ച മലയാളി താരം ദേവ്ദത്ത് പടിക്കലിന്റെയും ഡിവിലിയേഴ്സിന്റേയും മികവിലാണ് റോയല് ചലഞ്ചേഴ്സ് ബാംഗ്ലൂര് സ്കോര് ഉയര്ത്തിയത്. ഇരുപത് ഓവറില് ബാംഗ്ലൂര് 5 വിക്കറ്റിന് 163 റണ്സാണ് നേടിയത്. ദേവ്ദത്ത് പടിക്കല് 42 പന്തില് 56 റണ്സും ഡിവിലിയേഴ്സ് 30 പന്തില് 51 റണ്സും നേടി.
ടോസ്സ് നേടിയ സണ്റൈസേഴ്സ് ഹൈദരാബാദ് ബാംഗ്ലൂരിനെ ബാറ്റിംഗിനയ യ്ക്കുകയായിരുന്നു. ദേവ്ദത്തിനൊപ്പം ഓപ്പണ് ചെയ്ത ആരോണ് ഫിഞ്ച് 29 റണ്സിനും വിരാട് കോഹ്ലി 14നും പുറത്തായി. സണ്റൈസേഴ്സിനായി നടരാജ്,വിജയ് ശങ്കര്, അഭിഷേക് ശര്മ്മ എന്നിവര് ഓരോ വിക്കറ്റ് വീഴ്ത്തി.
Comments