ദുബായ്: റോയല് ചലഞ്ചേഴ്സ് ബാംഗ്ലൂരിനൊപ്പം കോഹ്ലിയ്ക്കും ഇന്നലെ മോശം ദിവസം. ടീം തോല്ക്കാന് കാരണം തന്റെ ശ്രദ്ധക്കുറവാണെന്ന് സമ്മതിച്ച കോഹ്ലിയ്ക്കും ടീമിനും കുറഞ്ഞ ഓവര് നിരക്കിന്റെ പേരില് പിഴ ശിക്ഷയും ലഭിച്ചിരിക്കുകയാണ്.
കിംഗ്സ് ഇലവന് പഞ്ചാബിന്റെ 97 റണ്സിന്റെ തകര്പ്പന് ജയത്തിന് മുന്നില് കോഹ്ലി ഒരറ്റത്ത് ഒറ്റയ്ക്ക് കുറ്റം തലകുനിച്ച് ഏറ്റുവാങ്ങേണ്ടി വന്ന ദിനമായിരുന്നു ഇന്നലത്തേത്. പ്രകടമായ തെറ്റുകള് വരുത്തിയ കോഹ്ലി രണ്ടു ക്യാച്ചുകള് വിട്ടത് പഞ്ചാബിനും രാഹുലിനും ഒരു പോലെ നേട്ടമായി. അനായാസമായ ക്യാച്ചുകള് വിട്ടുകളഞ്ഞത് എല്ലാവരേയും അത്ഭുതപ്പെടുത്തി. അതുമൂലം അവസാന രണ്ട് ഓവറുകളിലായി 49 റണ്സാണ് പഞ്ചാബ് അടിച്ചുകയറ്റിയത്.
ഇതിനിടെ ബാറ്റിംഗ് തകര്ച്ചയ്ക്കും പഴിവേറെ കേള്ക്കുകയാണ്. ടീമിനെ ഒരറ്റത്ത് നിന്ന് ജയിപ്പിക്കാന് ശ്രമിക്കേണ്ട താരം വെറും ഒരു റണ്സിന് മടങ്ങി. ഇതിനെല്ലാം പുറമേ ടീം കുറഞ്ഞ ഓവര് റേറ്റിന് 12 ലക്ഷം രൂപയാണ് പിഴയൊടുക്കേണ്ടത്. നിശ്ചിത സമയത്തിനുള്ളില് ഓവറുകള് എറിഞ്ഞു തീര്ക്കാത്തതിനാണ് പിഴ.
Comments