അൺബിലീവബിൾ ; ക്രിക്കറ്റ് ജീവിതത്തിൽ ഇത്തരമൊന്ന് കണ്ടിട്ടില്ലെന്ന് സാക്ഷാൽ സച്ചിനും ; ചരിത്ര സേവിൽ താരമായി പൂരൻ- വീഡിയോ

ഷാർജ ; എട്ടാം ഓവറിലെ മൂന്നാം പന്ത്. പന്തെറിയുന്നത് എം.അശ്വിൻ. പതിനാലു പന്തിൽ 26 റൺസുമായി എന്തിനും തയ്യാറായി സ്ട്രൈക്ക് എൻഡിൽ മലയാളിയായ ഇന്ത്യൻ താരം സഞ്ജു സാംസൺ. ലെംഗ്ത് കുറഞ്ഞ പന്തിനെ മിന്നൽ വേഗത്തിൽ ഡീപ് മിഡ്‌വിക്കറ്റിലേക്ക് തൂക്കിയ സഞ്ജു സാംസൺ പന്ത് അതിർത്തി വര കടന്നെന്ന് തന്നെ ഉറപ്പിച്ചു.

പെട്ടെന്ന് പറന്നുയർന്ന് നിക്കോളാസ് പൂരൻ അത്ഭുതകരമായ വിധത്തിൽ പന്ത് പിടിച്ചു.താൻ ബൗണ്ടറിക്ക് പുറത്തേക്ക് വീഴുന്നതിനിടെ നിമിഷാർദ്ധത്തിൽ പന്ത് ഗ്രൗണ്ടിലേക്ക്. ആദ്യം കമന്റേറ്റർമാർ സാധാരണ ഒരു സേവാണെന്ന് കരുതിയെങ്കിലും പിന്നീട് റീപ്ളേ വന്നപ്പോൾ അൺബിലീവബിൾ എന്ന് നാലഞ്ച് വട്ടം പറയേണ്ടി വന്നു. ക്രിക്കറ്റ് ചരിത്രത്തിലെ തന്നെ അവിശ്വസനീയമായ സേവ്.

തന്റെ ജീവിതത്തിൽ ഇത്തരമൊരു ഫീൽഡിംഗ് കണ്ടിട്ടില്ലെന്ന് സാക്ഷാൽ സച്ചിൻ ടെണ്ടുൽക്കർ പോലും സാക്ഷ്യപ്പെടുത്തിയ ഫീൽഡിംഗ് ഇതിനോടകം വൈറലായിക്കഴിഞ്ഞു.

This is the best save I have seen in my life. Simply incredible!! 👍#IPL2020 #RRvKXIP pic.twitter.com/2r7cNZmUaw

— Sachin Tendulkar (@sachin_rt) September 27, 2020