ദുബായ് : ആവേശം അലതല്ലിയ മുംബൈ – ബാംഗളൂർ മത്സരത്തിൽ സൂപ്പർ ഓവറിൽ ബാംഗളൂരിന് ജയം. സൂപ്പർ ഓവറിൽ വിജയിക്കാൻ എട്ട് റൺസ് വേണ്ടിയിരുന്ന ബാംഗളൂർ ജസ്പ്രീത് ബൂമ്രയുടെ അവസാനപന്തിലാണ് വിജയ റൺ നേടിയത്.നവ്ദീപ് സെയ്നിയുടെ ഉജ്ജ്വല ബൗളിംഗാണ് മുംബൈയെ ഒരോവറിൽ ഏഴു റൺസിലൊതുക്കിയത്.
നേരത്തെ ആദ്യം ബാറ്റ് ചെയ്ത റോയൽ ചലഞ്ചേഴ്സ് ഡിവില്ലിയേഴ്സിന്റെയും ഫിഞ്ചിന്റെയും ദേവദത്ത് പടിക്കലിന്റെയും അർദ്ധ സെഞ്ച്വറിയുടെ കരുത്തിൽ 20 ഓവറിൽ 201 റൺസാണ് അടിച്ചു കൂട്ടിയത്
മറുപടി ബാറ്റിംഗിനിറങ്ങിയ മുംബൈ തുടക്കത്തിൽ വിക്കറ്റ് നഷ്ടപ്പെട്ട് പതറിയെങ്കിലും ഇഷാൻ കിഷന്റെയും പൊള്ളാർഡിന്റെയും വെടിക്കെട്ട് ബാറ്റിംഗിന്റെ മികവിൽ 20 ഓവറിൽ 201 റൺസെടുത്തു. അവസാന പന്തിൽ 5 റൺസ് വേണ്ട ഘട്ടത്തിൽ ആഞ്ഞ് വീശിയ പൊള്ളാർഡിന് ബൗണ്ടറി നേടാനേ കഴിഞ്ഞുള്ളൂ. കിഷൻ 9 സിക്സറുകളും രണ്ട് ബൗണ്ടറികളും പറത്തി 99 ഉം പൊള്ളാർഡ് അഞ്ച് സിക്സറുകളും മൂന്ന് ബൗണ്ടറികളും പായിച്ച് അറുപതും റൺസെടുത്തു
Comments