ലണ്ടന്: പ്രീമിയര് ലീഗിലെ സൂപ്പര് പോരാട്ടത്തില് നിലവിലെ ചാമ്പ്യന്മാര്ക്ക് തകര്പ്പന് ജയം. ലിവര്പൂള് ആഴ്സണലിനെ ഒന്നിനെതിരെ മൂന്ന് ഗോളുകള്ക്കാണ് ജയം നേടിയത്. രണ്ടാം മത്സരത്തില് ആസ്റ്റണ് വില്ല എതിരില്ലാത്ത മൂന്ന് ഗോളുള്ക്കാണ് ഫുള്ഹാമിനേയും തകര്ത്തു.
ലിവര്പൂളിനെതിരെ ആഴ്സലണലാണ് ആദ്യം ഗോളടിച്ചത്. 25-ാം മിനിറ്റില് അലക്സാന്ദ്രാ ലാകാസേറ്റേയാണ് ഗോള്നേടിയത്. എന്നാല് മൂന്നുമിനിറ്റിനകം ചെമ്പട മറുപടി നല്കി. സാദിയോ മാനേയിലൂടെയാണ് 28-ാം മിനിറ്റില് സമനില പിടിച്ചത്. ആന്ഡ്ര്യൂ റോബര്ട്ട്സണ് 34-ാം മിനിറ്റിലും ഡിയോഗോ ജോട്ടാ 88-ാം മിനിറ്റിലും ലിവര്പൂളിനായി ഗോള് നേടി. ലീഗില് കളിച്ച മൂന്നു മത്സരങ്ങളും ജയിച്ചാണ് ലിവര്പൂള് മുന്നേറിയിരിക്കുന്നത്. ആഴ്സണല് മൂന്നില് രണ്ട് ജയവും ഒരു തോല്വിയുമായിട്ടാണ് നില്ക്കുന്നത്.
രണ്ടാം മത്സരത്തില് ആസ്റ്റണ് വില്ല എതിരില്ലാത്ത മൂന്ന് ഗോളുകള്ക്കാണ് ഫുള്ഹാമിനെ തകര്ത്തത്. ജാക്ക് ഗ്രീയാലീഷ് നാലാം മിനിറ്റില്ത്തന്നെ ആദ്യ ഗോള് നേടി. വില്ലയ്ക്ക് വേണ്ടി കോണോര് ഹൗരീഹെയിന് 15-ാം മിനിറ്റിലും ടൈറോണ് മിംഗ്സ് 48-ാം മിനിറ്റിലും ഗോളുകള് നേടി.
