ദുബായ്: ഐ.പി.എല്ലിനായി ദുബായിലെത്തിയ രാജസ്ഥാന് റോയല്സ് ദുബായിയില് തട്ടകമുണ്ടാക്കുന്നു. യു.എ.ഇ കേന്ദ്രീകരിച്ച് അന്താരാഷ്ട്ര നിലവാരത്തിലുള്ള ക്രിക്കറ്റ് അക്കാദമിയാണ് രാജസ്ഥാന് റോയല്സ് സ്ഥാപിക്കുന്നത്. ആഗോളതലത്തില് ദുബായിലേക്ക് എത്താനുള്ള സൗകര്യങ്ങളുടെ ലഭ്യതയും വിപുലമായ ഇന്ത്യന് സമൂഹത്തില് സാദ്ധ്യത കളുമാണ് രാജസ്ഥാനെ പുതിയ നീക്കത്തിന് പ്രേരിപ്പിച്ചിരിക്കുന്നത്. ഇംഗ്ലണ്ടില് കഴിഞ്ഞവര്ഷം അക്കാദമി സ്ഥാപിച്ചതിന് പിന്നാലെ രണ്ടാമത്തെ ആഗോള നഗര പരിശീലന കേന്ദ്രമാണ് രാജസ്ഥാന് ആരംഭിക്കുന്നത്.
യു.എ.ഇ കേന്ദ്രമായ സ്പോര്ട്ട്സ് കണ്സള്ട്ടന്സി റെഡ് ബെയര് സ്പോര്ട്ട്സു മായിട്ട് സംയുക്ത പദ്ധതിയാണ് രാജസ്ഥാന് തയ്യാറാക്കിയത്. മുന് സിംബാബ് വേ നായകന് ഗ്രെയിം ക്രീമറാണ് അക്കാദമി മേധാവി.ആറു മുതല് പത്തൊമ്പത് വയസ്സുവരെയുള്ള ആണ്കുട്ടികളേയും പെണ്കുട്ടികളേയും അക്കാദമിയില് പരിശീലനത്തിന് പ്രവേശിപ്പിക്കും. യു.എ.ഇയിലെ ഏഴു സ്റ്റേഡിയങ്ങളില് പരിശീലനത്തിനുള്ള സംവിധാനമുണ്ടാകുമെന്നും രാജസ്ഥാന് റോയല്സ് അധികൃതര് അറിയിച്ചു.
