ന്യൂഡല്ഹി: ഇന്ത്യന് ക്രിക്കറ്റിന്റെ സ്പിന് പ്രതിഭയായിരുന്ന അനില് കുംബ്ലേയ്ക്ക് ഇന്ന് അമ്പത് വയസ്സ്. അന്താരാഷ്ട്ര ക്രിക്കറ്റ് കൗണ്സില് അച്ചടക്ക സമിതിയുടെ മേധാവി വരെ എത്തിനില്ക്കുന്ന ലോകോത്തര ക്രിക്കറ്റ് താരമാണ് കുംബ്ലേ . സ്പിന് കരിയറില് 600 അന്താരാഷ്ട്രവിക്കറ്റുകള് നേടിയ അനില്കുംബ്ലേയ്ക്ക് ട്വിറ്ററിലൂടെയാണ് ക്രിക്കറ്റ് താരങ്ങള് ആശംസകള് നേര്ന്നിരിക്കുന്നത്. .പി.എല്ലില് പഞ്ചാബിന്റെ പരിശീലകനും കൂടിയാണ് കുംബ്ലേ.
‘എനിക്ക് പ്രേരണ ഏറ്റവും ആവശ്യമുള്ള സമയത്ത് നല്കിയ താരമാണ് കുംബ്ലേ. അനില് കുംബ്ലേയ്ക്ക് പിറന്നാള് ആശംസകള് നേരുന്നു. ഇന്ത്യന് ക്രിക്കറ്റിനും യുവതാരങ്ങള്ക്കും ഏറെ പ്രചോദനവും പ്രേരണും നല്കിയ ഞങ്ങളുടെ പ്രിയ താരം ജീവിതത്തിലും അര്ദ്ധസെഞ്ച്വറി തികച്ചിരിക്കുകയാണ്’ യുവരാജ് സിംഗ് ട്വിറ്ററില് കുറിച്ചു.
ഒരിക്കലും വിട്ടുകൊടുക്കരുതെന്ന് കളിക്കളത്തില് തെളിയിച്ച വ്യക്തിയാണ് കുംബ്ലേയെന്നും ഇനിയും ക്രിക്കറ്റിന് ധാരാളം സേവനം നല്കാന് കുംബ്ലേയ്ക്ക് സാധിക്കട്ടേയെന്നും വി.വി.എസ്.ലക്ഷ്മണ് പിറന്നാള് സന്ദേശമായി പറഞ്ഞു.
