ലണ്ടന്: നേഷന്സ് ലീഗില് നിന്നും ഇംഗ്ലണ്ട് പുറത്തായി. ഗ്രൂപ്പ് ബിയിലെ പോരാട്ടത്തില് ബെല്ജിയത്തിനെതിരെ തോല്വി പിണഞ്ഞതോടെയാണ് ഇംഗ്ലീഷ് നിര സെമി കാണാതെ പുറത്തായത്. എതിരില്ലാത്ത രണ്ടു ഗോളുകള്ക്കാണ് ബെല്ജിയം ഇംഗ്ലണ്ടിനെ തോല്പ്പിച്ചത്.
കളിയുടെ ആദ്യപകുതിയിലാണ് ബെല്ജിയം രണ്ടു ഗോളുകളും നേടിയത്. 10-ാം മിനിറ്റില് യൂറീ തിയേലീമാന്സാണ് ബെല്ജിയത്തിനായി ഗോള് നേടിയത്. 24-ാം മിനിറ്റില് ദ്രിയസ് മെര്ട്ടെന്സും ഗോള് നേടി.
അവസരങ്ങള് ഗോളാക്കാന് സാധിക്കാഞ്ഞതാണ് ഇംഗ്ലണ്ടിന് വിനയായത്. കൂടുതല് സമയം പന്ത് കൈവശം വെച്ചിട്ടും ഇംഗ്ലണ്ടിന് ഗോളടിക്കാനായില്ല. 16 ഷോട്ടുകളെടുത്തിട്ടും ഗോളവസരം തുറക്കാനാവാഞ്ഞതും ഗാരേത്തിന്റെ കരുത്തര്ക്ക്് ക്ഷീണമായി. ഗ്രൂപ്പില് നിന്ന് ബെല്ജിയത്തിന് പിന്നാലെ ഡെന്മാര്ക്കാണ് പോയിന്റ് പട്ടികയില് രണ്ടാം സ്ഥാനത്തുള്ളത്.
Comments