പ്രകൃതിയുടെ പ്രതിഭാസങ്ങള് പലപ്പോഴും നമ്മെ അത്ഭുതപ്പെടുത്തിയിട്ടുണ്ട്. എന്നാല് പലതിന്റെയും പിന്നിലെ കാരണം ഇതുവരെ കണ്ടെത്താന് സാധിച്ചിട്ടുമില്ല. അത്തരത്തില് ആളുകളെ അതിശയിപ്പിച്ചു കൊണ്ട് ടൂണിഷ്യയില് രൂപം കൊണ്ട തടാകമാണ് ലാക് ഡി ഗഫ്സ അഥവാ ഗഫ്സ ബീച്ച്. ഒരൊറ്റ രാത്രി കൊണ്ടാണ് ഈ തടാകം രൂപപ്പെട്ടത് എന്നത് ഏറെ അതിശയകരമായ ഒരു കാര്യം തന്നെയാണ്. 2014 ഓഗസ്റ്റില് അസഹ്യമായ വരള്ച്ച നേരിട്ട് കൊണ്ടിരിക്കുന്ന സമയത്താണ് ടുണീഷ്യയില് ഒരു ഒറ്റരാത്രി കൊണ്ട് ഇത്തരത്തിലൊരു തടാകം രൂപപ്പെട്ടത്.
മരുഭൂമിയുടെ നടുവില് ഈ തടാകം രൂപപ്പെടാനുള്ള കാരണം എന്തെന്ന് ഇതുവരെയും കണ്ടെത്താന് സാധിച്ചിട്ടില്ല. മരുഭൂമിയിലൂടെ സ്ഥിരമായി യാത്ര ചെയ്യാറുള്ള ടുണീഷ്യന് സ്വദേശിയായ മെഹ്ദി ബിലാണ് ആദ്യമായി ഈ തടാകം കാണുന്നത്. നിത്യേനയുള്ള തന്റെ യാത്രയില് മരുഭൂമിക്ക് നടുവിലായി ഇത്തരത്തിലൊരു തടാകം കണ്ടിരുന്നില്ല എന്നും ഒരു ദിവസം യാത്രയ്ക്കിടെ മരുഭൂമിയുടെ നടുവിലായുളള ഈ തടാകം തന്റെ ശ്രദ്ധയില്പ്പെട്ടു എന്നും,
ദൂരക്കാഴ്ചയില് മരുഭൂമിയിലെ മരുപ്പച്ച എന്ന പ്രതിഭാസമായിരിക്കും എന്ന് കരുതിയെങ്കിലും അടുത്ത് എത്തിയപ്പോഴാണ് ഇത് വലിയ തടാകമാണെന്ന് അദ്ദേഹം തിരിച്ചറിഞ്ഞത് എന്നും മെഹ്ദി ബിലാല് പറഞ്ഞു. ഒറ്റരാത്രി കൊണ്ട് സൃഷ്ടിക്കപ്പെട്ട ഈ തടാകത്തിന്റെ വാര്ത്ത വളരെ പെട്ടെന്ന് തന്നെ ആളുകള്ക്കിടയില് ശ്രദ്ധിക്കപ്പെട്ടു. ഇത് കേട്ടറിഞ്ഞ് നിരവധി പേര് സംഭവം സത്യമാണോ എന്നറിയാന് സ്ഥലത്തെത്തി. ഒറ്റ രാത്രി കൊണ്ട് എന്ത് അത്ഭുതം സംഭവിക്കാന് എന്ന് നാം പലപ്പോഴും പറയാറുണ്ട്. എന്നാല് അത്തരത്തില് ഒറ്റരാത്രി കൊണ്ട് ടൂണിഷ്യയില് സംഭവിച്ച അത്ഭുതമാണ് ഈ തടാകം.
