പാരീസ്: സൂപ്പര്‍ താരം ലയണല്‍ മെസിക്കൊപ്പം വീണ്ടും കളിക്കാന്‍ ആഗ്രഹമുണ്ടെന്ന് നെയ്മര്‍. അടുത്ത സീസണില്‍ തന്നെ മെസിയോടൊപ്പം കളിക്കാനാണ് താന്‍ ആഗ്രഹിക്കുന്നതെന്ന് നെയ്മര്‍ പറഞ്ഞു. ചാമ്പ്യന്‍സ് ലീഗില്‍ മാഞ്ചസ്റ്റര്‍ യുണൈറ്റഡുമായുള്ള മത്സരത്തിന് പിന്നാലെയാണ് നെയ്മര്‍ മനസ് തുറന്നത്.
‘ലയണല്‍ മെസിക്കൊപ്പം വീണ്ടും കളിക്കണമെന്നാണ് ആഗ്രഹം. കളിക്കളത്തിലെ ഞങ്ങളുടെ മികവ് ഒരുമിച്ച് ആസ്വദിക്കണം. അടുത്ത വര്‍ഷം തന്നെ ആഗ്രഹം സാധ്യമാകണം. അതിനായി എന്റെ സ്ഥാനം അദ്ദേഹത്തിന് വേണ്ടി വിട്ടുകൊടുക്കാനും തയാറാണ്’. നെയ്മര്‍ പറഞ്ഞു.
2013 മുതല്‍ 2017 വരെ ബാഴ്‌സലോണയില്‍ കളിച്ച നെയ്മര്‍ റെക്കോര്‍ഡ് ട്രാന്‍സ്ഫര്‍ തുകയ്‌ക്കാണ് പിഎസ്ജിയിലേയ്‌ക്ക് കൂടുമാറിയത്. 186 മത്സരങ്ങളില്‍ ബാഴ്‌സയുടെ ജഴ്‌സിയണിഞ്ഞ നെയ്മര്‍ 105 ഗോളുകള്‍ നേടിയിട്ടുണ്ട്. മെസി-സുവാരസ്-നെയ്മര്‍ (എംഎസ്എന്‍) സഖ്യം ഏത് പ്രതിരോധ നിരയ്‌ക്കും വെല്ലുവിളിയായിരുന്നു.
