ന്യൂഡല്ഹി: അന്തരിച്ച മുന് രാഷ്ട്രപതി പ്രണാബ് മുഖര്ജിയെ സ്മരിച്ച് രാഷ്ട്പതി രാംനാഥ് കോവിന്ദ്. പ്രണാബ് മുഖര്ജിയുടെ 85-ാം ജന്മവാര്ഷിക ദിനത്തിലാണ് രാംനാഥ് കോവിന്ദ് ആശംസ നേര്ന്നത്. രാഷ്ട്രപതി ഭവനില് നടന്ന ചടങ്ങിലാണ് രാംനാഥ് കോവിന്ദ് മുന് രാഷ്ട്രപതിയെ സ്മരിച്ചത്. ഇന്ത്യയുടെ 13-ാം മത് രാഷ്ട്രപതിയെന്ന നിലയില് 2012 മുതല് 2017 വരെയാണ് പ്രണാബ് മുഖർജി ചുമതല നിര്വ്വഹിച്ചത്.
പ്രണാബ് മുഖര്ജി 1935 ഡിസംബര് മാസം 11നാണ് പശ്ചിമബംഗാളിലെ ബിര്ഭൂം ജില്ലയിലെ മിറാതിയിലാണ് ജനിച്ചത്. ഈ വര്ഷം ആഗസ്റ്റ് 31നാണ് മുഖര്ജി ന്യൂഡല്ഹിയിലെ സൈനിക ആശുപത്രിയില് വെച്ച് അന്തരിച്ചത്. രാജ്യം 2019ല് പ്രണാബ് മുഖര്ജിയ്ക്ക് ഭാരത രത്ന നല്കി ആദരിച്ചു.
1980-82, 1984 ഇന്ദിരാ മന്ത്രിസഭയില് വാണിജ്യകാര്യ മന്ത്രി, 1982ല് സാമ്പത്തിക കാര്യ മന്ത്രി,1995ല് കേന്ദ്ര വിദേശകാര്യ മന്ത്രി, 2004ല് കേന്ദ്ര പ്രതിരോധ മന്ത്രി എന്നീ നിലകളിൽ ഇന്ത്യന് രാഷ്ട്രീയ രംഗത്ത് ചിരപ്രതിഷ്ഠനേടിയ മന്ത്രിയായി പ്രണാബ് തിളങ്ങി.
