ബർലിൻ: ജർമ്മൻ ലീഗിൽ കരുത്തരായ ബൊറോസിയോ ഡോട്ട്മുണ്ടിനെ തോൽപ്പിച്ച് യൂണിയൻ ബർലിൻ. ഒന്നിനെതിരെ രണ്ടു ഗോളുകൾക്കാണ് ഡോട്ട്മുണ്ട് തോറ്റത്.കളിയുടെ രണ്ടാം മിനിറ്റിലാണ് ഇരുടീമുകളും ഗോൾവല ചലിപ്പിച്ചത്.
57-ാം മിനിറ്റിൽ ബർലിനായി തായിവോ അവോനി ആദ്യ ഗോൾ നേടി. മൂന്ന് മിനിറ്റിനുള്ളിൽ യൂസോഫിയ മൂകോകോ ഡോട്ട്മുണ്ടിനായി സമനില പിടിച്ചെങ്കിലും മാർവിൻ ഫ്രീഡ്റിച്ചിലൂടെ ബെർലിൻ വിജയ ഗോൾ സ്വന്തമാക്കി. ഡോട്ട്മുണ്ടിനായി ഗോൾനേടിയ മൂകോകോ ലീഗിന്റെ ചരിത്രത്തിൽ ഗോൾ നേടുന്ന ഏറ്റവും പ്രായം കുറഞ്ഞ താരമായി മാറി. 16 വയസ്സ് തികഞ്ഞ് 28 ദിവസം പൂർത്തിയാക്കിയ ദിവസമാണ് മൂകോകോ ഗോൾ സ്വന്തമാക്കിയത്. സീസണിൽ തുടർച്ചയായ അഞ്ചാം തോൽവിയാണ് ഡോട്ട്മുണ്ട് ഏറ്റുവാങ്ങിയത്. ലീഗ് പട്ടികയിൽ ഡോട്ട്മുണ്ട് നാലാം സ്ഥാനത്താണ്.യൂണിയൻ ബർലിൻ അഞ്ചാം സ്ഥാനത്തുമാണ്.
നിലവിലെ ചാമ്പ്യന്മാരായ ബയേൺ ലെവർകൂസനെ ഇന്ന് നേരിടും. ബയേമ്# ലീഗിൽ രണ്ടാം സ്ഥാനത്താണ്. മറ്റ് മത്സരങ്ങളിൽ ലീപ്സിഗ് എഫ്.സി കോലിനേയും ഷാൽക്കേ അർമിനിയയേയും നേരിടും. അവശേഷിക്കുന്ന പോരാട്ടങ്ങളിൽ ഓഗസ്ബർഗ് ഫ്രാങ്ക്ഫർട്ടിനേയും, മെയിൻസ് വെർഡറിനേയും മോൺഷെൻഗ്ലാഡ്ബാച്ച് ഹോഫെൻഹീ മിനേയും നേരിടും.
Comments