മിലാൻ: ഇറ്റാലിയൻ ലീഗിൽ മുൻനിര ടീമുകളെല്ലാം ഇന്നിറങ്ങുന്നു. മിലാൻ ക്ലബ്ബുകളായ എ.സി.മിലാനും ഇന്റർമിലാനും ഇന്ന് കളത്തിലിറങ്ങും. പ്രമുഖ ടീമുകളായ റോമയ്ക്കും അത്ലാന്റയ്ക്കും ഇന്ന് മത്സരമുണ്ട്.
ആദ്യ മത്സരത്തിൽ എ.സി റോമ പോരാടുന്നത് സ്പേസിയക്കെതിരെയാണ്. രണ്ടാം മത്സരത്തിൽ ഇന്റർ മിലാൻ ഉദിനീസയെ ഹോം എവേ മത്സരത്തിൽ നേരിടും. എ.സി മിലാൻ കരുത്തരായ അത്ലാന്റയ്ക്കെതിരെ സ്വന്തം തട്ടകത്തിലേറ്റുമുട്ടും. ഇന്നലെ സൂപ്പർ പോരാട്ടമെന്ന് വിലയിരുത്തുന്ന മത്സരമാണിത്.
റോമ ലീഗ് പട്ടികയിൽ നാലാം സ്ഥാനത്താണ്.ലീഗിലും കോപ്പ ഇറ്റാലിയയിലും തുടർച്ചയായി കനത്ത പരാജയമാണ് കഴിഞ്ഞയാഴ്ച റോമയ്ക്ക് ഏൽക്കേണ്ടിവന്നത്. യുവന്റസിനെ എതിരില്ലാത്ത രണ്ടു ഗോളുകൾക്ക് തകർത്തവീര്യവുമായിട്ടാണ് ഇന്റർ മിലാൻ ഇന്നിറങ്ങുന്നത്.
കോപ്പ ഇറ്റാലിയയിൽ ടോറിനോയ്ക്കെതിരെ പെനാൽറ്റി ഷൂട്ടൗട്ടിൽ 5-4ന് രക്ഷപെട്ട് മിലാൻ പ്രീ ക്വാർട്ടറിലെത്തിയിരിക്കുകയാണ്. തുടർച്ചയായ രണ്ടു സമനിലകൾ വഴങ്ങേണ്ടി വന്ന അത്ലാന്റയ്ക്ക് മികച്ച ഒരു ജയം ലീഗിൽ അനിവാര്യമാണ്.
Comments