ലണ്ടൻ: ലീഗിൽ ഈ ആഴ്ചത്തെ നില മെച്ചപ്പെടുത്താൻ മുൻനിര ടീമുകൾ. മൂന്നാം സ്ഥാനത്തുള്ള ലെസ്റ്ററും നാലാം സ്ഥാനത്തുള്ള നിലവിലെ ചാമ്പ്യന്മാരായ ലിവർപൂളുമാണ് ഏറ്റുമുട്ടുന്നത്.
എഫ്.എ കപ്പിൽ ക്വാർട്ടറിലെത്തിയ ആവേശത്തിലാണ് ലെസ്റ്റർ സിറ്റി. എതിരില്ലാത്ത ഒരു ഗോളിനാണ് ബ്രൈറ്റണിനെ തോൽപ്പിച്ചത്. കഴിഞ്ഞയാഴ്ച വൂൾവ്സിനോട് ഗോൾരഹിത സമനിലയിൽ പിരിഞ്ഞ ലെസ്റ്റർ തൊട്ടുമുമ്പുള്ള മത്സരത്തിൽ ഫുൾഹാമിനെ തോൽപ്പിച്ചിരുന്നു.
തുടർച്ചയായി രണ്ടു മത്സരങ്ങളിൽ തോറ്റ ക്ഷീണം തീർക്കാനാണ് ലിവർപൂൾ ശ്രമിക്കുക. സ്വന്തം തട്ടകമായ ആൻഫീൽഡിൽ സിറ്റിയോട് 4-1ന്റെ നാണംകെട്ട പരാജയം ഏറ്റുവാങ്ങി. ചെമ്പട തൊട്ടുമുമ്പത്തെ മത്സരത്തിൽ ബ്രൈറ്റണിനോട് ഒരു ഗോളിന് തോറ്റതും ക്ഷീണമായി.
Comments